facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




تحميل المتسبب بالحادث المروري 40 دينارا تدفع لشركة التامين


02-10-2011 09:10 PM

عمون - أصدرت هيئة التامين تعليمات معدِّلة لتعليمات أقساط التأمين الإلزامي للمركبات رقم 7 لعام 2011 والتي ستؤثر حسب الهيئة على 10 بالمئة من حملة وثائق التأمين الإلزامي.

وقالت الهيئة في بيان صحفي اليوم الاحد ان هذه التعليمات تلزم المتسبب بالحادث بمبلغ اربعين دينارا (تحمل) يدفعه المتسبب بالحادث لشركة التأمين بهدف تحميله جزءاً من المسؤولية عن الضرر الذي ترتب على الحادث .

وقالت هيئة التأمين أنه ضمن مراجعتها المستمرة لتطبيقات التأمين الإلزامي على المركبات ان هذه التعليمات جاءت بهدف المحافظة على التوازن بين أطراف المصلحة التأمينية بما يكفل حصول المواطن على الخدمة بالمستوى المطلوب وحصول المتضرر من حوادث المركبات على التعويض المناسب وضمان استمرارية قطاع التأمين في تقديم خدمة تأمينية متميزة.

وبحسب الهيئة فان تأثير هذا الإجراء سيقتصر على المتسببين بالحوادث والذين لا تزيد نسبتهم عن حوالي 10 بالمئة من السائقين، مما سيسهم في الحد من حوادث الطرق والتي غدت مشكلة ذات أبعاد اقتصادية واجتماعية خطيرة، اذ بلغ عدد الحوادث المرتكبة خلال العام 2010 نحو 140 ألف حادث مروري، في حين بلغ إجمالي التعويضات المدفوعة ضمن التأمين الإلزامي على المركبات نحو 104 ملايين دينار في عام 2010 و55 مليون دينار في الستة شهور الأولى من عام 2011.

كما أصدرت الهيئة قرار أسس تسوية التعويضات عن الأضرار التي تلحق بالمركبات والذي ينظم الجوانب الفنية المتعلقة بتعويضات التأمين الإلزامي، واضعاً ضوابط على "نقصان القيمة" الناتج عن تعرض المركبة لحادث ينجم عنه نقص مادي في قيمة المركبة.

وقد تم تحديد مسؤولية شركة التأمين في التعويض عن نقصان القيمة بـ 10 بالمئة من قيمة المركبة قبل وقوع الحادث، يتم دفعها عند تضرر الأجزاء الثابتة من المركبة ومنها على سبيل المثال الشاصي.

وقد نظّم القرار الجوانب المتعلقة بتحديد "بدل فوات المنفعة" وهو المبلغ الذي يُدفع للمتضرر من حادث مركبة مؤمنة تأميناً إلزامياً لتعويضه عن بدل تعطل المركبة خلال فترة الإصلاح نتيجة لهذا الحادث.

وقد حدد القرار المعدل مسؤولية شركة التأمين عن بدل فوات المنفعة للمركبات المتضررة بحسب فئاتها المختلفة. ويُحتسب بدل فوات المنفعة عن الفترة التي تحتاجها المركبة المتضررة للإصلاح وإعادتها إلى ما كانت عليه قبل الحادث، وذلك في حالة طلب المتضرر من شركة التأمين دفع قيمة الأضرار التي لحقت بمركبته نقداً. أما إذا طلب المتضرر من شركة التأمين إصلاح تلك الأضرار فتُحتسب مدة بدل فوات المنفعة ابتداءً من مراجعة المتضرر لشركة التأمين ولحين إتمام عملية إصلاح المركبة. (بترا)

  • 1 شو رأيكم 02-10-2011 | 09:18 PM

    كلمة حق لا تيريدون بها وجه الله, إي مش بكفي الرسوم عالية و كمان اذا الواحد عمل حادث بتزيدو عليه قيمة التأمين وكمان جايين تلاحقو بدفع 40 دينار, اي هو في حد عاقل بحب يعمل حادث؟؟؟ وقال شو ما بتزيد نسبتهم عن 10%, هو الناس لما تعمل حوادث مش بكون فيها طرفين مسبب و متضرر؟ كيف حسبوها و طلعت 10%

  • 2 سلمى 02-10-2011 | 09:24 PM

    اللي بصير معه حادث خلوه بحاله بكفيه همه والخسارةهذا اذا طلع حي مش ميت

  • 3 فايئ ورايئ 02-10-2011 | 09:26 PM

    والله القرار لمصلحة الوطن والمواطن احكولي ليش؟ليش يا معلم؟لانه بهاي الحاله رح نخفف من الحوادث وبصير السائق الغير مبالي يلتزم بقانون السير والانتباه اثناء القياده وصح لساني وشكراً

  • 4 ابن الاردن 02-10-2011 | 09:33 PM

    وين راح التأمين الي مندفعه كل سنه وين راحت كل هالمصاري لحتى فوق الخساره ندفع خساره حرام عليكو......

  • 5 ابتداء من؟ 02-10-2011 | 09:47 PM

    هل تم المصادقة عليها؟ ومنذ متى يبدأ هذا النظام؟

  • 6 الصمادي 02-10-2011 | 10:14 PM

    عاى اي اساس حطو هاظ النظام فوق ما التأمين قلب ....بدهم يدفعونا 40 ليرة !!!!! ....

  • 7 قرار سليم 02-10-2011 | 10:26 PM

    والله رايي انه قرار سليم ويا ريت المبلغ الذي يدفع من قبل المتسبب
    حسب الحادث هناك حوادث نسبه كبيرة من سببها السائق ليس ظروف الطريق
    او عطل في السيارة وعندما يكون السبب الرئيسي للحادث السائق يجب ان يتحمل بدل نقصان الثمن ويتحمل ايضا العطل والضرر
    ما ذنب الذي تضرب سيارته بسبب تهور طائش ويخسر قيمة كبيرة من ثمنها ويتعطل فترة طويله في تصليحها والمتسبب بالحادث لا يتعطل اكثر من دقائق

  • 8 السلط 02-10-2011 | 10:28 PM

    هذا القرار مطبق منذو بداية السنة شو ماعندكم علم

  • 9 ahmad 02-10-2011 | 10:30 PM

    غريب امركم يا شركات التامين يعني التامين رفعتو وو 15%الي كانوللي ما بتخالف بطلتو تدفعوها وهسا الي بعمل حادث فوق مصيبته بدكم يدفع 40 لان المتسبب هو الي بدفع وهو ما حد بصلحلو خسر سيارتو ودفع 40 افرض انا مفلس وضربت السيارة شو اساوي
    بعدين بصير الواحد اذا كحت سيارة حد يجي صاحب السيارة بقلك 50 دينار او كروكة لان بدو يدفع 40 تامين و20 مخالفة 35 فتح كروكة اتقو الله

  • 10 11111 02-10-2011 | 10:42 PM

    ... من نوع جديد نظام يخالف القانون المدني الاردني والخاص بالضرر ونقصان قيمة والله ما صارت ....

  • 11 مجنون يحكي وعاقل يسمع 02-10-2011 | 11:10 PM

    في بني ادم عاقل بقصد يعمل حادث . بس مشان شركات التأمين تتضاعف ارباحها وتتنعم عل حساب الشعب الي اصلا مش لاقي ياكل بنزيد 40 دينار وليش 40 دينار خدو السيارة وريحو منها . يا جماعه يا عاقلين الي بعمل حادث يعني حلت عليه مصيبه وانتو ماشاءالله بتزيدوها عليه اي اتقو الله . حسبي الله ونعم الوكيل

  • 12 زرقاوي 02-10-2011 | 11:36 PM

    حكوها المسؤولين ، الدولة مش قادرة على شركات التأمين، القوي بوكل الضعيف، والمواطن دايما ضعيف، حسبي الله ونعم الوكيل

  • 13 saleem dbabneh 02-10-2011 | 11:53 PM

    وين ...؟؟؟؟؟؟؟؟؟؟؟

  • 14 منذر العلاونة وعالمكشوف 02-10-2011 | 11:53 PM

    ولكن على شركات التامين .ان لاتقرر لوحدها وترفع رسوم التامين على كيفها وتعنبر نفسها هي الحكم والجلاد كباقي شركات الخلوي بعيدا عن القانون والتشريع دون سابق انذار .على حساب الاردن ابو القوانيين المرعيه . من هنا نقول لكل هذه الشركات نحن الان في الاردن الجديد بعيدا ... واستغلال المواطن دون وجه حق .وكل قرش يفرض على المواطن يجب ان يكون من خلال القانون والمشرع .ايم اول حول حسب معرفتي .مع انني مع اي قانون هدفه الصالح العام ولكن ..بيعدا عن شركات .اللهط .الاستثماريه .

  • 15 ايمن العدوان 02-10-2011 | 11:58 PM

    قرار يجب اعاده دراسته
    شركات التامين المهم انها تكسب مصاري مش تخفيف حوادث لانو كل شركات التامين بشتغل لحالها و الشاطر يكسب من المواطن نقصان قيمه و اجور تصلح و غيرها.
    لمكافحه ظاهره حوادث السير ليس بطريقه رفض الرسوم و انما عند طريق تكاتف جهات مع بعضها البعض من قبل مديريه الامن العام و شركات التامين و ذالك من تقديم الدعم الثنائي بين الطرفين من دراسه اسباب الحوادث و تفعيل كمرات مراقبه و رادارات على مناطق الحيويه والاكثر وقوع للحوادث و اعاده دراسه للشوارع و التقاطعات و غيرها

  • 16 أحمد التعمري 03-10-2011 | 12:16 AM

    حسبي الله ونعم الوكيل
    يعني اسمه حادث
    يعني بالخطأ
    الواحد بسوق وإيدو على قلبه
    طيب الغوا التأمين الإلزامي وريحونا
    وبعدين ما اللي بعمل حادث بدفع 50 دينار زيادة عند التأمين
    أي بدي أبيع السيارة وأخلص .....

  • 17 أحمد التعمري 03-10-2011 | 12:19 AM

    يعني 40 دينار للتأمين ومخالفة أقل شي 40 دينار و5 دنانير كروكا و50 دينار زيادة عند قسط التأمين وغير تصليح السيارة

    يعني اللي بعمل حادث يحسب حسابو على 300 دينار بالقليلة

  • 18 السواعير 03-10-2011 | 12:20 AM

    لمين شركات التامين ؟

  • 19 بو ثامر 03-10-2011 | 01:15 AM

    يا ريت شركات التامين توقف المتجاره في المواطن ......انا عملت سيارتي حادث حسب الكروكه لا اخطاء من قبلي كلفني الحادث 1400 دينار شركة التامين عوضتني مبلغ 560 دينار بعد ميت الف بوسه


    لمين نشكي يا حكومه..... ......

  • 20 ?? 03-10-2011 | 01:22 AM

    يعني الناس بتدفع تامين .... وبتحكو نو اللي بعملو الحوادث 10% من السائقين بس
    انا مش عارف شو مناسبة هالقرار ....
    كروكا 5 وتامين و...
    وبالاخير 40 للتامين
    مهو معروف اكثر ناس....شكرات التامين
    ....

  • 21 سيف 03-10-2011 | 01:34 AM

    الى الرقم 10 مع الاحترام شركات التأمين مش للوزراء شركات التامين الى ابناء الوزراء .... وانسابهم واصدقائهم (حرام نظلم الوزراء)مساكين

  • 22 منذر العلاونة وعالمكشوف 03-10-2011 | 03:41 AM

    يا اخواني (الانسان اهم من 40 دينار .ومخالفه نعم نحن مع قانون يردع الزعران الذين يتسببون بالحوادث ويقتلون الابرياء وليس من خلال خلال قرار شركات التأمين يا عالم نحن في دولة قانون .اليس كذلك !

  • 23 علي نصيرات 03-10-2011 | 05:42 AM

    شو شباب عاساس التامين راسا بصلحلك سيارتك وبعوضك عن الاضرار وبحللك مشكلتك باسرع وقت نسيتو قديش بماطلو وبفاصلو وبدك ترفع قضية عشركة التامين وما بتوخذ حقك كامل ....

  • 24 03-10-2011 | 06:17 AM

    لا تعليق

  • 25 03-10-2011 | 06:17 AM

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  • 26 03-10-2011 | 06:17 AM

    الله يرحمنا

  • 27 سامر ابوشنب 03-10-2011 | 06:19 AM

    اهم شيئ الحمد الله على سلامتم المصاري تتعوض بس يا اخوان لما حد يقود سيارد يقودها على مهلو مافي حد لا حقو بعصاي يا اخوان السلامه اغلا شيئ بدنيا
    روح البني ادم ما بتتعوض
    الحمد الله على السلامه

  • 28 ابوشنب 03-10-2011 | 06:21 AM

    اهم شيئ الحمد الله على سلامتم المصاري تتعوض بس يا اخوان لما حد يقود سيارد يقودها على مهلو مافي حد لا حقو بعصاي يا اخوان السلامه اغلا شيئ بدنيا
    روح البني ادم ما بتتعوض
    الحمد الله على السلامه

  • 29 مؤمن 03-10-2011 | 08:30 AM

    لا أرى ان ذلك سيخفف من حوادث السير بل يعني دخلاً جديداً لشركات التأمين ........

  • 30 مهند - المواطن ذبيحة معلقة بسيخ للقص ؟ 03-10-2011 | 09:11 AM

    يدفع مبلغ معين بغض النظر عن ما سيحدث في المستقبل ولا تعليق على ذلك ولكن من باب زيادة مبالغ ومرابح التأمين تم فرض هذا القانون او الفرض على الناس ,,, شيء ... ما يحصل لجزر المواطن من كل الجهات ,,,

  • 31 امين 03-10-2011 | 11:12 AM

    ما بدنا لا نأمن ولا نرخص وخلي الشرطة تحجز سيارتي الللي حقها 700 دينار

  • 32 مراقب 03-10-2011 | 11:46 AM

    هذا الزمن بكثير من جوانبه ينطبق عله المثل القائل "السمكة الكبيرة تأكل السمكة الصغيرة" والسمكة الكبيرة تابى ان تشبع

  • 33 علي المعادله 03-10-2011 | 12:05 PM

    في شغله مهمه ياخوان لما بصير حادث بتعمل مخطط بالمركز الامني واللي بكون مدان بالحادث ما بهمه بروح من المركز ومنين نحصل الاربعين دينا رايح ينجبر المتضرر واللي ما عليه اخطاء بدفع الاربعين دينا ولا نسيتوا هالحكي لانه شركة التأمين مابتصلح السياره الا بعد دفع الاربعين دينار خليها على الله يامواطن

  • 34 اين الرقابة؟؟؟ 03-10-2011 | 12:15 PM

    واين هي اهمية المبلغ الذي يدفع لشركة التامين عند ترخيص السيارة؟؟؟ المفروض ان لا يؤخذ هذا المبلغ فاين هي الجهات الرقابية على التامين؟

  • 35 ابن الشوارع 03-10-2011 | 12:16 PM

    بس بدي اعرف لجيبة .... بدهم يروحو هذل 40 دينار فهموني يا هيئة

  • 36 بني حسن 03-10-2011 | 12:29 PM

    الحل القيام باعتصام امام شركة التامين والمطالبة بايقاق المسؤولين .....والقاء القبض عليهم من قبل الشعب الطفران . لانهم بالفعل .... وكان البلد والشعب مزرعة ورثوها عن ابوهم . ......

  • 37 د. نزار الحموري 03-10-2011 | 12:39 PM

    يجب معالجة الموضوع قبل الوصول الى مرحلة وقوع حادث ومبلغ الـ 40 لن تردع المتهوريين والمستهترين بارواح الناس من التمادي بطيشهم...
    المطلوب تغليظ غرامات المخالفات المرورية كما حصل في دبي...
    مثلا لو اصبحت غرامة قطع الاشارة الحمراء 500 دينار... او تجاوز السرعة المقررة 250 دينار... او السير بعكس اتجاه االمرور 1000 دينار....
    او السير بطريقة متهورة 2000 دينار.... وتطبيق ذلك دون "واسطة" شطب المخالفة..... انا متأكد بانه خلال يوم من تطبيق ذلك ستكسد دفاتر المخالفات في ايدي رقباء السير.... ولكن يبدو ان ليس هذا هو المطلوب.!

  • 38 رائد 03-10-2011 | 01:24 PM

    لقد تم حل وإلغاء هيئة التأمين ضمن مشروع هيكلة المؤسسات المستقلة ولكنها ما زالت تصدر أنظمة وتعليمات وتعدل كيفما تشاء دون حسيب أو رقيب ،فهل هيئة التأمين ما زالت قائمة ولم تلغ وبالتالي تم وقف مشروع الهيكلة بالكامل؟ وإذا كان الهيكلة مستمرة فهل هذا معناه أن هيئة التأمين ظلت قائمة وبقيت كمؤسسة مستقلة؟

  • 39 هشام ابو عبالله 03-10-2011 | 01:58 PM

    بدك تدفع !! بدك تدفع !! كيف ؟ بنلاقيلك طريقة تدفع فيها .. انت خايف علينا . احنا اهلها وبنعرف كيف نجيبها!! . وهو فيه حد راح يحاسبنا !!!!!! . الامر بيسط بنصدر القرار وعليك التنفيذ سهل جداً واذا ما هو عاجبك بلط البحر يا مواطــــــــــــــــــــــــــــــــــن

  • 40 الكيلاني 03-10-2011 | 02:18 PM

    بداية السؤال الكبير الذي يطرح نفسه ( ما دمت انا اعمل على تأمين سيارتي ودفعت قيمه التأمين بالكامل اذا لماذا اعود وادفع مرة اخرى 40 دينار اذا السنه رح يدفعونا ال 40 دينار والسنه الجاي اللي بيعمل حادث رح يعطي التامين قيمه الفاتوره ويحكيله روح ادفعها وجبلي سند القبض انا عندي اقتراح كل واحد فينا يروح يصلح سياره المتضرر برا برا احسن بدون كروكه وبدون اشي رح يطلع
    عليه ارخص الحادث والا ارباح التامين اللي بتصل لملايين عند بعض الشركات مو مكفيه ( اتقو الله ) وايضا ملاحظه اخرى لماذا ترتفع قيمة التأمين عندما تكون عندي مخالفه لا تعمل على خسارة شركات التامين مخالفة وقوف وتوقف اين هي العلاقه المرتبطه بها مع شركات التامين (حسبي الله ونعم الوكيل )

  • 41 الطفايلة / الى تعليق 36 03-10-2011 | 07:51 PM

    احنا شايفين انو هذا احسن حل طالما الحكومة تتفرج على الحرامبة وهم بيسرقوا فينا عينك عينك . وصار لازم نوخذ حقنا بايدنا . ...... بصراحة.......من اموال الناس وتكديس الملاين وبالقانون وبقلك المواطن وبس . اهههههههه يا بلدي .

  • 42 مغترب 05-10-2011 | 01:02 PM

    المفروض يكون التأمين اختياري

  • 43 مواطن 05-10-2011 | 06:29 PM

    حنا ما بدناش تامين لانه صار تشليح الي 20 سنه بدفع تامين الزامي وما بدي ياه

  • 44 مواطن 05-10-2011 | 07:11 PM

    احسبوهايااخوان من الارقام اللي امامكم
    (140000حادث × 40 دينار=5600000 )هذا كله من دم المواطنين .منك لله ياشركات التامين ما تشيعوا.على كل حال المواطن الاردني قدها

  • 45 alaa 10-01-2014 | 08:28 PM

    وبحكيلك تأمين ...خاواااااا


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست