دائماً وفي اللمسات النهائية لمراسم الفرح والعرسان؛ وبعد الانتهاء من جميع المراسم يلتقي أهل العريس مع عريسهم المنتظر، ويلتقي أهل العروس مع العروس المنتظرة "المندوبان الساميان".
أهل العريس: العرس وين؟، أهل العروس: أوعك تغيري رأيك هاي فرحة العمر، أهل العريس: إنت شكلك صاير "أرنب" كيف تمشي كلماتها عليك؟، طول عمر العرس لأهل العريس وقرايبوا ، كل قرايبك "بالسلط" كيف بدك تروح تركض فينا على عمان، إذا العريس مش مقتنع بالقرار واذا العروس "متنحة" الله أعلم وين ممكن تصفي.
يا إما العرس بصير مكان ما بدها بس أهل العريس بخربوا العرس!، أو بلتغي الفرح اذا القرايب والمؤثرين على العريس اشتغلوا صح ولعبوا على قصة الكرامة صح!.
وبصير الموضوع، كيف العروس وأهلها يمشوا كلمتهم؟، راح ينبسطوا عليك قرايبك يوم.. يومين..ويحكولك انت زلمة والعروس برضوا راح يلتم الكل حواليها ويقلها : "الي من أوله يا مهونوا كويس خلصتي منه وانت الفايزة".
بس برضوا فترة وراح كل واحد يمشي بحياتوا وبالنهاية العريس بطريق والعروس بطريق، وبس انتوا يلي راح تروح عليكوا والمرة الجاي لانكوا مشيتوا زي ما الي حوليكوا بدهم وبس تشوف عروس غيرها وهي بس تشوف عريس غيرك برضوا عرسكوا راح يخرب يمكن يتوفى حدا من القرايب واهلكوا يقرروا يلغو شان الهم.
يمكن الاغاني الي اختارتها العروس ما تعجب أهل العريس بس خلاص هموا "أهلك واهلها تعودوا يقرروا عنكم" فما بالك لما العرس يكون عرس وطن.
حرام تضيع فرحتنا وبدل ما يلعب فريقين بملعب الكل يلعب فينا برا الملعب.
الرد على تعليق