عمون - علقت الزميلة الاعلامية هبة الصباغ والدة الطفل أمير الذي انتشرت صورته مقبلا شاشة التلفاز ابان اعلان وزير التربية والتعليم الدكتور تيسير النعيمي تعليق معظم دوام المدارس.

وقالت الزميلة الصباغ، في منشور لها عبر منصة فيسبوك، "الصورة اجت بطريقة عفوية وارسلت على مجموعة خاصة وانتشرت بشكل غريب ووصلتنا حتى من مواقع خارج الاردن".

وأضافت، "انقسمت الآراء البعض اخذها بدعابة وفكاهة لتصرف أمير اللي بالمناسبة فرحته ما كانت بسبب العطلة وانما أمير فرح لانه مدرسته سجلت إصابتين كورونا وكان عنده وعنا حالة قلق من الدوام مع العلم مدرستهم علقت الدوام حسب البروتوكول الصحي ".

وردت على منتقدين ابنها أمير، "بعض المنظرين حكموا على الولد وعلى مستقبله وصارت المثالية تضرب عليهم ما علينا هيك مجتمعنا بس بحب احكيلكم امير طالب متفوق وعارف اهمية دراسته سواء بالمدرسة او عن بعد وان شاء الله بتشوفوا ولادكم مثل أمير واحسن كمان".