قبل أيام كنت عائدا من العمل ومرهق ، غسلت.. وتعشيت.. الصراحة "منسف" لأنه كان يوم جمعة، وأمي كل جمعة بتطبخ منسف بناءاً على طلب والدي، المهم... بعد ما أكلت حبيت اجلس مع أمي لمشاهدة التلفزيون، بحكيلها تضع على روتانا سينما نحضر فيلم عربي، وبتقلي انا متابعه برنامج "مريم نور" على القناة الفلانية وبستنا فيه من الصبح، قلتلها ماشي.. المهم... بلش برنامج مريم نور، بلشت تحكي مريم عن أشياء بالفعل ما كنت أتخيلها بحياتي، مثل شو لازم تأكل و شو لازم تلبس وشو لازم تتصرف عشان تكون إنسان طبيعي وصحي وتأثير هذه الأشياء على الإنسان، المهم..، قالت مريم نور جملة سرحت معها، اللي هي انه الإنسان "لازم يمضغ الطعام مليح عشان المضغ بولد طاقة للإنسان".

انا هون سرحت كثير وقلت لحالي مهو كلنا "مضيغه" من الطراز الأول، وذهبت بالتفكير بعيدا.. وكان السؤال الذي يراودني " طيب لو حبيت أصير وزير للطاقة مثلاً (طبعاً مش شرط في الأردن) شو لازم اعمل ؟ " أكون مثلاً بطل في أكل المناسف ولا "اعلك" كثير ولا "اسولف" كثير، انا الصراحة حاب أصير وزير يعني " فش حدا احسن من حدا" و اذا كانت "السولافة" هيك انا سيد من أكل "المناسف" وسيد من "سولف" وشبعت العالم كله سواليف من الشرق للغرب.

والصراحة بلشت أفكر كيف أصير وزير للطاقة، فبلشت أفكر في أبعاد الموضوع و الموضوع طلع مش زي ما انا مفكر، لأنه لو عملوا بطولة في أكل "القضامة" او تكسير " البندق" رح افشل بكل جدارة.. وتوصلت لنتيجة أنة لازم طواحينك تكون قوية جداً وتوكل كل شي، "شو ما كان" حتى تكون أكثر الناس توليداً للطاقة وتوصل الى هذا منصب.

zaidmarafi@hotmail.com