عمون- شلونك يا بوي بالقبر وكيفك... ياللي خذاك الموت ورحت من بكير....ما صبر عليك تشوفنا كيف نصير... ولا كحلت عينك.. ولا امتلت جيبك ولو بشوية دنانير.... يتيم حتى من امك ما رضعت ياللي بدروب التعب والشقا مشيت حتى تعبت.....

ياللي الشمس غيرت لونك..... وقلة الحيلة عتقت هدومك .... من الصبح وانت ماشي على رجولك.. تدور رزق من حولك... كنا صغار يابا كنا جهال يابا ما نعرف شقد انت تعبان وشقد انت من اجلنا شقيان.... نرتوي وانت ظمآن نشبع وانت الجوعان ياللي بهدومك بالشتا تغطينا وتلحفنا بجكيتك وتظل يا بوي انت البردان... كنا جهال ما نعرف قدرك ومقدورك...ياللي عمرك ما خبيت عنا مصاري بجيوبك.... اخذك الموت وعودنا لسا ما اشتد... ولا جميلك علينا حدا رد....

يا بوي سامحنا على لقصور ... ياللي ما بعدك عنا مال وقصور.. الله يرحمك يابا ياللي عشت ومتت وانت مكتف ومأسور...الله يرحمك يابا يا صقر يا نسر يعلا على كل النسور...كلامك وقصيدك جوا الصدر محفور.. تاجرت فينا يابا وتجارتك مش رح تبور.. نام وارتاح يابا صدري الك قبر وقبور....الله يرحمك يابا يا ذهب صافي وتبر منثور.

ابنك الدكتور ثائر العبادي