والله من يوم ما وقعنا مع هال الاوروبين واحنا رايحين على مؤتمر وجايين من مؤتمر
شو السيره يا أبو معتز؟
هيك الوضع ،هذول بأمنوا بتطوير الأفراد و اعطائهم مهارات عشان يخدموا بلدهم أحسن ، وبدهم يفيدونا بنفس الطريقة
وانت بتقدر على هيك صرف ؟
أبو معتز: أنا ما بدفع شي ، وما بعرف كم بكلف ، المهم أثبت وجودي
وأنت لم تروح شو بتسوي ؟
بنسمع وبنكتب وبودونا نتغدى ونتعشى وبفرجونا على بلادهم
يعني بتستفيد ؟
كثير كثير
طييب لما ترجع كيف بتفيد من الي تعلمته؟
قصدي أقول، مش هاد هو المقصد يعني
اه فاهم عليك،أنا فاهم، والله فاهم
شوف تقولك: بكتب تقرير مفصل بالدورة ، وإذا كنا شاطرين بنعمل دورة متلها عندنا بالدائرة، وهيك
أبو معتز: بس إسمع ، هادي الدورات مش لمين ما كان ، بس لناس وناس ، يعني بيها واسطات
والله ما خليت بلد من الصين، لليابان، للسويد، لامريكا ، والله غير هيك ما كان عمري شفت الدنيا
أبو معتز: شوف تقولك، أخر دورة كانت بعنوان تطوير الحس المعنوي و الارشاد لدى موظفين القطاع العام ، دورة كتير مهمة، ولم رجعنا ..............
ليش كم واحد كنتوا ؟
عن كل دائرة موظف ممثل للدائرة، وإسمع من كثرنا كيفوا علينا الأجانب وطلعونا على التلفزيون وعملنا دبكة أردنية غير شكل، اشي برفع الراس . يا زلمة ما شفتني ؟ ولله ولله ما حد عمره رفع راس الاردن مثل ما عملنا ، شو بدك أحسن من هيك تمثيل للبلد ؟
ما شاء الله عليك يا أبو معتز
والله هالعقلات والشماغات ظلوا يلولحن واحنا ندحي ، كيفوا الأجانب كيفوا كثير كثير وتصوروا معنا، شو ،سلافة............
دخلك أبو معتز ؟
ما كان بتقدروا تلولحوا وتدحوا في عمان مش كان أرخص ؟
وباجي أنا وولد عمي كلنا بنصور وأقلك بننزل معاكوا كمان
بنلولح، وبندبك،ونهيزج، وندحي................
ادحة، ادحة،أدحة......................