عمون - عاد رافضون للغاز الإسرائيلي إلى نشاطهم المنزلي الليلي بدعوة المواطنين إلى إطفاء الأنوار ليلة اليوم الاحد، ولمدة ساعة من التاسعة وحتى الساعة العاشرة.

وسبق ونظم هؤلاء مثل هذه الفعالية الأحد الماضي. وأطلق النشطاء وسوماً لفعاليتهم على شبكات التواصل الاجتماعي، كما حاولوا تنظيم فعالية اليوم بصورة جماعية اكثر من الماضية بدعوتهم تصوير المتفاعلين مع الفعالية بتسجيلات جماعية لأهالي كل حي.

وتاليا نص المنشور الذي يجري توزيعه على شبكات التواصل الاجتماعي:

مساكو خير يا ربع الخير،،

شو جاهزين يصيروا جيش الإحتلال يحصّلوا فواتير كهربتكم كل آخر شهر؟

إذا لأ..

رح نرجع نطفّي أضواءنا-يوم الأحد ٩/١٠- لكن هاي المرة ما رح نظل قاعدين بييوتنا. بدنا نلم الأردن كلها علينا. مش لازم يظل حد من الجيران ما يعرف او تعرف عن صفقة هالعار!!

١) بنرجع نعمل دعوة لكل اللي عندنا ع قائمة الأصدقاء وبنضل نعمل لحد ما ينضموا. وبنبعت بالواتساب كمان.

٢) يوم الاحد: بنطفي الضو وبناخد شموعنا لبرّة البيت وبنجتمع يا امام العمارة او بالحارة مع بعض لمدة ساعة من ال٩-١٠ مساء.

٣) بناخد فيديو جماعي لكل اهل الحي فيه جملة موحدة: #غاز_العدو_احتلال من.. *اسم المنطقة* وبتغنوا بعدها موطني حسب فياعتكو انتو و اهل حارتكو

-معا لنسقط اتفاقية العار!!!! اعملوا تاغ/منشن بالتعليقات لمحلات ممكن تنضم النا. دمتم أحراراً..