قلة الشغل بتعلم التطريز ، وقد عادت سواليف التعديل الحكومي الى الواجهة بعد ان كانت اختفت وطمأن الرئيس فريقه على استقرار أوضاعهم المالية. وبما اني فاضي اشغال - مثلي مثل الحكومة - سأطرز لكم هذه السالفة ، راجيا من القراء ان يفهموني (غلط). جاء الطبيب إلى الرجل الملقى على السرير كومة من اللحم والعظم ، لا يتًحرك منه سوى اليد اليمنى ، ما أن وصل الطبيب إليه حتى بادره المريض ، وهو يلمس بإصبع السبابة كل مكان يشير إليه:
- بوجعني هون يا دكتور .. وهون وهون .. وهناك .. وبين هون وهون،،
- يعني كل شيء بوجعك؟؟
- حتى راسي شعري أذني... رموشي... كل شي بوجعني يا دكتور. كان المريض في هذه الفترة يلمس بأصبعه كل عضو أو منطقة يشير إليها.
- أي منطقة بلمسها يا دكتور بتوجعني .. اخ يا كلي.
- عملت فحوصات رحت عند غيري؟؟ - طبعا يا دكتور زرت كل المستشفيات
- شو عملولك؟؟
- واحد شال الزايده واحد شال نص المعدة واحد شال ربع الكبد واحد شال نص الكلاوي ... وواحد شال ال... ، وواحد كان بده يقطع ال(......) بس انا ما قبلت. قام الطبيب بتحويله إلى قسم الأشعة لتصويره كاملا.. وبعد ان ظهرت الصور ، جاء الطبيب إلى المريض ضاحكا:
- بتعرف شو معك - اخ يا كلي . شو مش معي يا دكتور؟.
- ما معك إشي تقريب .. - شو يعني؟؟
- معك كسر صغير في إصبع السبابة... وكل ما بتحطه على منطقة في جسمك بوجعك أصبعك . ghishan@gmail.com ...