عمون - اشتعلت مواقع التواصل الاجتماعية بالتعليقات الفكاهية عشية اجراء التعداد السكاني من قبل دائرة الاحصاءات العامة.
وعلى موقع تويتر انتشر وسم #التعداد_السكاني حيث شارك فيه الأردنيون بآلاف التغريدات حول كيفية تعامل الشعب الأردني مع الاجراءات.
نتتركم مع بعض التعليقات :
"رغم كل شيء .... الشعب اﻻردني نغش جدا..... اتابع منذ الصباح الفيس بوك والتويتر وما تيسر من اخبار وسائل اﻻتصال اﻻلكتروني... انفجرت ادمغة اﻻردنيين للنكات وصور وتعليقات حول التعداد السكاني... كعادة اﻻردنيين في كل مناسبة سواء اقتنعوا بها ام ﻻ.
لله دركم ايها الشعب... بالمناسبة نحن نكذب ونقول اننا سنخرج رحلة غدا... ونترك المنزل بمناسبة العطلة ومقاطعة التعداد... نفسي اشوف جياب بعضكم قديش فيها مصاري للرحلة.
امتعونا بالمزيد... لكن لن تتفوقوا على نغاشة الدولة التي قدمت لكم اغنية العمر والعصر"
"بكرا الشعب رح يلعب مع باحثين التعداد لعبة الغميضة واذا الباحث شاف واحد بحكيلو كمستير"
"مش لو طلعونا برة الاردن ودخلون واحد واحد ادق وأحسن"
"حاس بكرة رح تبلش لعبة القط والفار"
"لو كل سكان الأردن أعطوا أعداد أفراد العائلة خطا حتى يطلع #التعداد_السكاني خطا ويرجعوا يعيدوا العد من اول وجديد وبنعطل كمان يوم"
"طيب في عدادين ديلڤري للمغتربين؟"
"أكثر حدا مكيف ع #التعداد_السكاني هي البنت الخاطبة جديد ..
شو اسمك يا بنتي ؟
- فوزية
كم عمرك..
- عمو بدي أقولك أنا خاطبة و خطيبي اسمو محمد "
"#التعداد_السكاني
3 مليون سوري
3 مليون عراقي
1 مليون مصري
وواحد أردني بعد فيهم"
"#التعداد_السكاني رح يكون بالمحافظات والمواطنين رح يكونوا بالعقبه والبحر الميت "
"هسا بطلعلك واحد بقلك عذراً انا لستُ عدد #التعداد_السكاني"
"ﻋﺎﺟﻞ ﻭﻣﻬﻢ ﺟﺪﺍ ﺟﺪﺍ
ﺑﻤﻨﺎﺳﺒﺔ #التعداد_السكاني ﻏﺪﺍ
ﺍﻟﻰ ﻛﻞ ﺭﺟﻞ ﻣﺘﺰﻭﺝ ﻋﻠﻰ ﺯﻭﺟﺘﻪ ﺑﺎﻟﺴﺮ ﻭﻋﻨﺪﻩ ﻣﻨﻬﺎ ﻭﻻﺩ
(ﺍﻋﻤﻞ ﺣﺎﻟﻚ ﻣﻴﺖ ﺑﻜﺮﻩ"
الرد على تعليق