-غيرت صورة بروفايلك لمدريد او برشلونة ؟ انت حر

-غيرتها لعلم فلسطين كمااان حر ، شلت صورة البروفايل اصلا كمان براحتك ..

- بتغير صورة البروفايل تاعك كل 5 دقايق ؟ حر انت براحتك غيرها #احرقها حط صورة جد ابن عم خالك الي في استراليا .. مع نفسك ... كل مكان بتروحو بتعمل check in جميييل انت حر ..

-خطبت و ما عملت got engaged براحتك حقك يا عمي،

-شلتي صورك و حطيتي صور خطيبك حلو كتيير التعبير عن الحب عبري بالطريقة الي بدك اياها ما حدا اله عندك ..

-حطيتي صورة ايديكم و انتو لابسين الخواتم .. يا عمي حرين انتو ..

-بتنزلي بوستات كئيبة براحتك جدا الي مش عاجبه يعملك ريموف و مع السلامة عااادي ..

-بتنزل حكي كله مقصود ليش لاء اذا مش عارف توصل الي بدك اياه للشخص نزل كلام ملغووم و ماله .. براحتك عالاخر ..

-بتحب تتصور وانت عامل حالك مش منتبه اتصور يا اخي و انت عامل حالك ميت ان شالله حدا اله عندك ؟؟!!

-حطيت رأيك الشخصي على صفحتك الشخصية انت حر هاجموك و ما عجبهم رأيك؟ امسح تعليقاتهم و اعمل حالك ما شفت شي بسيطة جدا يعني انت حر و كل واحد يكتب الي بدو اياه على بروفايله ..! عبر زي ما بدك

-من الاخر اعمل الي بدك اياه و لا ترد ع حدا ، الي بيبسطك سوي و بالاخر ما حدا بيفكر فيك قبل ما يعمل اي شي عشان انت تفكر فيه ... طالما انت ما عم تأذي حدا اذا خلاااااص اعمل الي بيريحك و بيبسطك و عيش <

و لو سمحتو لا تحكو انه احنا حرين في حياتنا و اختياراتنا و احنا ابسط الامور مش قادرين نتحكم فيها عشان هما هيك بيحكو و هما هيك بدهم ..!!! #فكونا !

سيبك_من_العالم
والله_والله
عكل_الاحوال_مش_رح_تخلص !!!