كعادتة قام مبكرا وارتدى دشداشتة البيضاء والشماخ المهدب

واعتلى صهوة "الكابرس" متجها الى عملة اليومي، بدأ ابو عقلة

نهارة نشيطا، يعقد العديد من الصفقات عبر الجوال، ويقوم فورا

باحتساب الارباح ليضيفها الى رصيد حسابه الضخم في احد البنوك

وكله امل بالحياة.


بعد ان انهى يوم عمل شاق، توجه الى السوق، وكمش عددا من

الاكياس ليبدأ باختيار ما لذ وطالب من الخضار والفواكه، ولا

تقع عينيه الا على الفراولة والتفاح "الدبل رد" والموز

السعودي لانه مستاء من اوضاع الصومال، ثم يلتف يمينا واذا

بالاناناس والافوكادو، يخرج محفظتة من جيبة، ويقول للتجار، كم

الحساب يا عزيزي، فقال فقط خمسة دنانير، فأعطاه ورقة العشرين

وقال له ...خلي الباقي للاولاد.


ركب ابو عقلة سيارته، فجأة رن هاتفة الجوال ، ام عقلة على

الخط تقول له، جاي على بالي مشاوي، ولا تنسى تكثر الشقف،

اجابها الزوج الحنون "لعيناكي"، توجة الى احد المطاعم وطلب

منه تجهز 2 كيلو مشكل "نص كباب ونص شقف" ومع تزبيطات

البندورة والبصل والمخلللات، اقل من نصف ساعة، عامل المطعم،

بصوت رخيم، تفضل عمي الطلبية جاهزة، فرد علية ابو عقلة، شو

حسابك عمي ، اجابه عامل المطعم 10 دنانيرعمي، لا تستكثرهم،

والله اللحمة بلدية وبعدين جدي رضيع... تفضل عمي هي ورقة

العشرين وخلي الباقي علشانك، الله يديم علينا هالنعمة.


وصل ابو عقلة منزله... رن الجرس وبيدة كمشة الاغراض...

ام عقلة لاقيني خذي الاغراض... معلش استني عليّ شوي

والله لجيبلك اقدع خدامة ومن الجنسية اللي يحبها قلبي وكما

قلبك... بعد الغداء تبادل ابو عقلة اطراف الحديث مع زوجتة...

قائلا ... تذكري يا ام عقلة الايام السودة اللي مثل

العلقم لمّا حررت الحكومة اسعار المحروقات وولعت البلد.. آه

يا ابو عقلة لا تذكرني.. الله لا يعيد هذيك الايام.. قال قلن

الزيت بـ 5 ليرات وطبق البيض 3 ليرات وحلاقة راسك بـ 3

ليرات وكيلو البندورة بليره والجاج المفلوز بليرتين... الحمد

لله ... صدقيني يا ام عقلة كنت قاطع الامل انه يطلع عندنا

نفط ... لكن ربك كريم...انا كنت اقول معقول علينا

غضب... كل العالم اللي حوالينا يطلعوا نفط الا احنا !... لكن

الحمد لله... كلي كباب وشقف وتهني... لسه لو تشوفي الفواكة

كمان.


فجأه... صوت صراخ يعلو .... ابو عقلة قوم قوم قوم تقوم قيامتك

... بدك تخرب بيتنا... كل يوم تأخير عن الشغل...يا زلمة خلينا

مقرقطين بـالـ 160 نيرة...حتى نقدر ناكل خبز... كم مره نبهوك

بالدوام عالتأخير.


رد ابو عقله ...خير اللهم اجعله خير... الله يسامحك يا ام

عقلة .. شو مالك يا رجل.. لا ولا شي... خير اللهم اجعلة

خير... شفت حلم الله يعطينا خيره.


والله من وراء القصد...


wesamabadi@yahoo.com