عزيزاتي زوجات اصدقائي ،،،،

بمناسبة انه بكرة الفالنتين كل عام وانتو بخير والله يخليكو انتو وازواجكم لبعض ويديم المحبة ...لكن لا بد لبعض النصائح ..

- بكرة الجمعة ...يعني ما في دوام ،،، اذا شفتي جوزك لابس ومتأنق وبحجة انه عنده شغل لا تصدقي ...طالع يشوفها ..اوعي تسكتي .

- بكرة ما في اجتماعات ولا ندوات ولقاءات ولا اشي بالبلد ،، يعني لا تصدقي اي فيلم من هالأفلام ...

- مو ضروري يسهر مع اصحابه بكرة ،يعني اذا حكالك طالع اسهر مع الشباب لا تصدقي لأنه صحابه كله ماخدين زوجاتهم يحتفلو ما عدا انتي ..

- الهدية بكرة اجباري واذا ما جابلك ياها معناته اكيد جابها لغيرك ،،، ولا تقنعي حالك انه طفران ،، لسا الشهر بأوله ،، وهدية عيد الحب اهم من دخانه ...

- اذا بكرة روح عالدار وحكالك انه اشترى لحاله " زجاجة عطر " اعرفي انها اجته هدية ،، خدي الولاد وعلى اهلك ولا تقعديلي بالبيت خاين هالعشرة ...

الله يهدي القلوب ...