عمون - سخر الرئيس المصري محمد مرسي خلال خطابه للأمة من قاعة المؤتمرات بمدينة مصر مساء الاربعاء ممن يتهمونه بمحاولة بيع قناة السويس، وتساءل: هي قناة السويس اتباعت ولا لسه؟..أنا خايف كمان يكون الهرم اتباع من ورايا؟.. يا وزير الداخلية الهرم اتباع ولا لسه؟!

وأكمل: الكلام ده عيب.. بقى إحنا هنبيع قناة السويس؟.. والمحللين يطلعوا يحللوا ويقولوا إننا مش هنبيعها وإن إحنا هنعمل لها قانون يبعدها عن مصر ويخليها تبع الرئيس.. طيب هو الرئيس مش من البلد دي؟

وتابع: الله يرحمه كمال الشاذلي في مجلس الشعب زمان كان يقولي السياسية نجاسة.. وانتو يا محمد ناس أطهار..سيبوا لنا النجاسة وخليكم أنتو أطهار.

وأكمل: قلت له إنتو بتسرقوا وإحنا مش عارفين نمنعكم..لكن طالما لا محالة من سرقة مصر.. فنصيحتي ليكم خلوا الفلوس في مصر ما تهربوهاش برة..إعملوا معروف.. فقال لي: إنت راجل طيب.
وتابع: تم تهريب كل الأموال في الخارج وكل ما نروح دولة يقولوا عايزين إجراءت وحجات لإعادة الأموال.

وقال: مصر ما يبينغضطش عليها.. واحنا غير قابلين للانضغاط.. فلول النظام باعوا كل حاجة ..وكل ما أحط إيدي في حتة ألاقي عنكبوت بيقع أو ثعبان بيقرص. وأكد: ستقطع أي يد تفرط في أي حبة رمل أو قطرة مياه من مصر.
وقال بالنسبة لمشكلة الكهرباء فأنا قلبي بيتقطع من معاناة المواطنين بسبب انقطاع الكهرباء لساعة واحدة في اليوم لتخفيف الأحمال ولكن أؤكد لكم أن السبب ايضا ممارسات فاسدة وأن هناك من يدفع أموالا للشاب الذي يقف على محول الكهرباء ليقطع الكهرباء عن مناطق بعينها. الاهرام