معاذ قطيشات

اكيد ما حكت هالعبارة من فراغ أكيد جننوها بالصف والا ما تحكيها. بصراحة من لما غابت العصا عن المدارس الأجيال بازت يا قدعان

جلال يوسف العبادي

طلاب الجيل هلا مش .....معروف الاصل تاعهم بس هالجيل لا يخلي عندك مرارة ويجيبلك السكر ويخلقلك الضغط وينزلك الوز غير الصداع المستمر

الى 1 و 2

لا يغرك... في معلمين ولاد .....ومش دايما الحق على الطلاب, الطالب وخصوصا لما يكون صغير بالاخير طفل بدو يلعب ويتحرك

Wael

حكي فاضي دائماً المعلم مظلوم والكل فيدخل بشغله اللي بجيفهم واللي ما بجيفهم

أبو رشيد

لولا ان العيال ....ولاد ....ما بتحكي المعلمة هاي الكلمة

ولي امر

يا ريت كل المدارس زي مدرسة الامير حمزة بيخافوا على ولادنا وبيديروا بالهم عليهم واذا جننوا المعلمة وبهدلتهم فهذا لمصلحتهم وانا اقول ذلك بصفتي ولي امر لثلاثة طلاب في المدرسة والحمدلله مرتاح جدا واي مشكلة مهما كانت بسيطة بحطونا بالصورة ومنحلها بالتعاون

نيب

مهما كان الخطأ الذي فعلوه الاولاد ما بصير هذا العقاب الغير انساني في اسلوب للتربية والتعليم مش بالشتم والحبس

والدة طالب

أنا مع العقاب و لكن يا ريت العقاب ما يكون ظالم

ااا

كوني اعمل في مدرسة فأنا اعرف انه مهما عمل الطلاب لا يصح للمعلم شتمهم وإلا لما سموا الوزارة بوزارة التربية والتعليم،التربية قبل التعليم فإذا قامت هذه المعلمة بقول هذه الألفاظ أمام الطلاب فأي تربية هذه؟! وحتى لو تمادوا فأي عقاب شديد وصارم هذا الذي تم انزاله بهم هناك أساليب أخرى للعقاب مثل الحرمان من فرصة أو من الرحلة المدرسية أو إنذار للطالب وغيرها كانت أفضل بكثير لو ان هذه المديرة تعلم بأساليب التربية والتأديب.هل ترضى هذا العقاب لأبنائها؟؟؟أنا فعلياً لا أرضى ولو كان ابني في المدرسة لأخرجته منها

ولية امر طالبتين من الأمير حمزة

انا عندي بنتين في الأمير حمزة وأروع من هيك مدرسة ومعلمات عمري ما شفت ومستحيل هذا الحكي يكون صحيح لاني الي 7 سنوات حاطة بناتي وما شفت منهم غير كل تميز وعطاء هذا حكي ناس بكرهوا النجاح

واحد حزين على وضع المدرسة

نحن نبعت أولادنا عالمدرسة ونحن في قمة الطمأنينة عليهم وأنهم في أيدي أمينة فبعدهذا كيف يمكن أن نرسلهم للمدرسة ولا نخاف أن يلحق بهم مثل هذا العقاب الشديد. يا خسارة يا مدرسة الأمير حمزة، أطالب بتغيير الإدارة والتأني عند اختيار المعلمين

ننن

إلى رقم 10 هذا الحكي صار صحيح وأكيد إسألي عن اللي بصير في مدرسة أولادك وتأكدي قبل لا تحكي والمعلمة نفسها اعترفت أنها قالت هذا الكلام وهي ..

س

أنا شخصيا لو صار هالحكي مع ابني أو ابنتي في مدرسة لذهبت للمخفر واشتكيت على المعلمة لأنها قامت بالشتم والسب العلني للطلاب. ولذهبت لوزير التربية والتعليم وقدمت شكوى ضد المعلمة والمديرة

الى 10

الى 10
في فرق كبير بين التعامل مع الولد و البنت،
قال تعالى "وليس الذكر كالأنثى"

الى رقم 10

احنا ما بنكذب وهاذا الشيء حصل مع اولادنا

نوري

الله يسامحكم ما لهم ....مو ناس شو هالمسبة الي بتزعل مع انو ....بشر واحترامنا لكل الناس .....احسن من بعض ناس فاكرين حالهم ناس .

معلمة مطلعة

...... الطلاب المعنيين هم طلاب مشاغبين جدا ويعطلون الحصص ويسببوا الفوضى داخل الحصص بشكل يعيق المعلم عن أعطاء الدرس. وهم بذلك يؤثون سلبياعلى الطلاب الأخرين الجيدين.وهذه المجموعة المشاغبة معروفة لإدارة المدرسة وتم معاقبتهم أكثر من مرة بدون فائدة.

السكارنة

لا هم مش ....ولاد...هم .......!!! والنعم وكل الاحترام

الى 10

خليهم يعملوا باولادك هيك لعاد

الى 17

استحي

الى 17

مهما كان الطلاب مشاغبون فلا يجوز للمعلمة ان تتلفظ بهكذا الفاظ وهي القدوة للطلبة وكذلك لا يجوز اتخاذ مثل هذا العقاب القاسي جدا بحقهم وهنالك اساليب متعددة حديثة لتأنيب الطالب المشاغب ولتعديل سلوكه بطرق حضارية واول اشي على الاقل بلغوا اهل الطالب بسلوكه اولا باول قبل هيك عقوبات ظالمة

مهتم

اذا المدرسة عاجزة عن تقويم سلوك طلابهل خليهل تسكر احسن

مهتم

اذا المدرسة عاجزة عن تقويم سلوك طلابها خليهاتسكر احسنلها

ام هادي

الى رقم 12 ونفسك 20 على ما اظن
فعلا حينما اقراء تعليقك واخشى ات تكون ولي امر طالب اتاكد بان زميلتي كانت على حق حينما تقول لهم بانهم سلوككم سلوك نور وانتم اولاد نور لان سلوكك هنا لا ينبع عن انسان واعي او مقبول بل عن عقل ضحل فاعذرني. او اخرج اولادك منها
مديرة المدرسة 24 ياعة موجودة وتحارب من اجل اولادك ولولاها لما كبر ابنائك ولولاها لما تطورت المدرسة ولولاها لما عمر لنا ال صوبر المبني الثاني فماذا فعلت حضرتك لنا..
فعلا كلمة عيب انت تستحقها وليس الاخرين واعذرني اذا قسيت عليك فانا معلمة متقاعدة

سثبل

هي المدرسة بتاخذ من الناس آلاف مؤلفة عشان هيك تعمل بالطلاب؟؟اذا وين دور المدرسة التربوي مش التربية قبل التعليم؟؟؟؟

ان ان

إلى أم هادي:
معلش النور هدول اللي بتحكي عنهم هما اللي بعطوكي راتبك والا كان خليكي بالبيت وخلي اهلك اللي مو نور يصرفوا عليكي ويعطوكي زي ما بندفع انت وهديك المعلمة اللي سبت. والا عند المصاري بصيروا الأهل محترمين. إنت ما بتعرفي اللي صار وما أظن لو صار باولادك كان ارضيتي .....

الى ام هادي المحترمة

عيب عليكي انت تحكي عنا نور ولاد نور واذا انت هيك هذا شيء ثاني بعدين من وينحضرتك بتفتي انه اللي صار مش غلط بحق الطلاب ومين حاطك محامية عن المدرسة تدافعي عنها بدون ما تعرفي اشي عن ما حصل عيب عليكي اذا كنت معلمة انك تغلطي بالناس والا فانت .....

الى ام هادي

النور هم اللي بطلع منهم هيك الفاظ وهؤلاء طلاب واطفال والحق على المعلمة اللي مش محترمة نفسها وبتتلفظ بهيك الفاظ نابية وغير لائقة ولا تدافعي عنهم لوسمحتي ......

إلى أم هادي

وبعدين لمعلوماتك انا مو من الأهل بس اسمعت باللي صار من أكتر من حدا وانفهرت على مستوى المدرسة والمعلمين وكيف كنا وكي صرنا

ننن

دور المعلم ان يكون قدوة للطلاب لا ان يعلمهم الكلام النابي والمسيء والعقاب يجب ان يكون معقولا مش بهالطريقة بس احنا دول العالم الثالث بدنا مليونين سنة ما بنصير زي الغرب في تحضرهم وتعليمهم وتربيتهم اللي بنحكي عنهم .....

الى ام هادي المح

واذا كنت متقاعدة من وين عرفتي حضرتك انهم طلاب مشاغبين والا حرشتك ادارة المدرسة تحكي هالحكي ......!!!!!!!!

ali

انا طالب في مدرسة الامير حمزة.....
الحكي بعض منه صح و البعض الاخر خطئ....
القصة الصح هي :
بعض الطلاب (تباردو) ثم قامت المعلمة بشتم الصف بقولها: (انتم نور ولاد نور) ثم قال بعض الطلاب قائلين (احنا مش نور يا مس) ثم عاقبوهم(الادارة) بتوقيفهم من نصف الحصة الاولى الى الحصة السابعة و قاموا بنسخ قوانين المدرسة و تم استدعاء اولياء امورهم
و منعوهم من الاكل و الشرب
و هذا المقال مبالغ فيه و هذه القصة الحقيقية
(و الذي يريد التأكد يسأل الطلاب)

س ا س

الصراحة ياريتنا حاطين اولادنا بين النور كان ماعملوا اللي عملتوه فيهم. يعني بصراحة انتوا في نظري اقل شأن من النور . النور بفهموا وبقدروا يعالجوا الموضوع كان بطريقة افضل منكم

إلى علي

طب ما الحكي اللي بتحكيه نفس المكتوب بس مكتوب من الصباح حتى الحصة الأخيرة (اي في الحصة الأخيرة تم اطلاقهم من حبسهم) يعني ضلوا واقفين حتى الحصة السابعة زي ما مكتوب بالخبر.!! وانت بتقول من نصف الحصة الأولى والمقال مكتوب من الصباح دخلك نص الحصة الأولى شو يعني من الصبح يعني من الساعة الثامنة والربع او النص تقريبا. مش عارفة شو اعتراضك بالزبط وانك ليش بتقول انه الخبر مو صحيح كله. ياسيدي ضلوا واقفين من الساعة الثامنة والربع حتى الواحدة والنصف تقريبا يعني طول الدوام تقريبا ولا تزعل

إلى علي

ومن حق الطلاب القول انهم ليسوا بنور ولا اولاد نور ما بطلع للمعلمة مهما صار السب على الطلاب وأهاليهم (حيث المتعارف عليه هنا انه النور تستعمل كمسبة وشتيمة)عيب عليها اهالي الطلاب يمكن يكونوا من جيل أبوها والا وين العادات

ممدوح

أتسائل يا رقم 35 لو عن جد الأولاد مش نور ليش عاقبتهم الإدارة!!! لو المعلمة كانت على خطأ كان الإدارة عاقبت المعلمة مش الطلاب.

دانيال

أنا علمت أن أهل طالبين من الطلاب المعافبين زارو المعلمة وإعتذروا عن ما قام به أولادهم. يعني الأولاد قامو بأفعال وشتم في الحصة وما قامت به المعلمة والإدارة قليل. كان لازم ينفصلوا لأنهم أسوء طلاب في المدرسة ومعروفين للجميع.

إلى 21

شو هي العقوبة القاسية!! لأن الطلاب ضلوا واقفين عند مكتب المديرة..أنت ......وقبل ما تتفلسفي روحي شوفي الأولاد شو بيعملوا. هدول أولاد بدهم ترباية في مركز تأهيل مش مدرسة.واولياء أمور الطلاب اللي نشروا الخبر بدهم .....قبل أولادهم.الطلاب هذول ضربوا معلمة في السابق، بتحركشوا ببنات الصف. بيدخنوا،وبيتكلموا بكلام بذي وشتائم داخل الصف.....ونفاق وتبلي. مستوى متدني من ا..... يا عيب يكون في أولاد .....هيك.

الله بكره الظلم

انا ام طالبه في نفس الصف تحريت الموضوع واكتشتفت انه اول ما دخلت المعلمه على الصف قالوا لهاتعرفي انه نحنا طفشنا 3 معلمات قبلك ومن بعدها بدؤا بالتخويت والتعليق على المعلمه حتى وصل بهم ان قاموا بالتلفظ بالفاظ بذيئة امام المعلمه والطالبات ومع ذلك قامت المعلمه باعطائهم العبر والمواعظ وتقول لهم اعتبروني مثل امكم علما بان نفس هؤلاء الطلاب قاموا برمي اوراق على معلمه اخرى وقاموا بالتبلي على معلمه ادعوا انها قامت بضرب احدى الطلاب, انا اناشد المدرسه بفصل هؤلاء الطلاب لاننالانعرف الى اين ستصل الامور معهم

مقهور

يا جماعة أنتو قادرين تتخيلو انو مدة الحصة ٤٥ دقيقة يعني اقل مدة إتعاقبها الأولاد اللي عمرهم حوالي ١٢سنة و ظلوا واقفين بدون طعام هي ٥ ساعات هذا على اقل تقدير وكل اللي عملوه شوية تنفيس عن النفس في حصة فن أخيرة و الأولاد أنا بعرف اغلبهم و كلهم ولا د و الله العظيم زي الفلة و أهاليهم محترمين كتير و أنا بحييهم لأنهم ما سكتوا للمعلمه اللي بتغلط عليهم و على أهاليهم و بقول الهم أنتو صح و نصيحة ما تقبلوا الإهانة و ما تسكتوا على الغلط وعلى فكرة كل الناس حبوكم وتعاطفوا معكم و إلى الإمام يا رجال الغد

مقهور

يا جماعة أنتو قادرين تتخيلو انو مدة الحصة ٤٥ دقيقة يعني اقل مدة إتعاقبها الأولاد اللي عمرهم حوالي ١٢سنة و ظلوا واقفين بدون طعام هي ٥ ساعات هذا على اقل تقدير وكل اللي عملوه شوية تنفيس عن النفس في حصة فن أخيرة و الأولاد أنا بعرف اغلبهم و كلهم ولا د و الله العظيم زي الفلة و أهاليهم محترمين كتير و أنا بحييهم لأنهم ما سكتوا للمعلمه اللي بتغلط عليهم و على أهاليهم و بقول الهم أنتو صح و نصيحة ما تقبلوا الإهانة و ما تسكتوا على الغلط وعلى فكرة كل الناس حبوكم وتعاطفوا معكم و إلى الإمام يا رجال الغد

إلى أم هادي

مو ضروري اي والد طالب في المدرسة انه يتبرع الكم كما فعل آل ....حتى تحترموا اولاده. والا مدرستكم قائمة على .... وآل ...الله اعطاهم زيادة قال تعالى : (ورزقكم في السماء) الرزق والمصاري من الله مو من شطارة الانسان. ولو عندي زيادة كان تبرعتلكم كمان.لو واحد من آل ....عمل هيك كان عملتوا فيه نفس الشي!؟ وانت متقاعدة شو عرفك انه المديرة 24 ساعة تتابع الطلاب. ما بتنام ولا بتاكل ولا بتروح عالبيت.هههههه. وغريب انك معلمة سابقة ومتقاعدة ومربية اجيال ويصدر منك هيك حكي كل المعلمين زيك اللي بالمدرسة؟!

.....

هاي مدرسة ......

واثق

إلى ٢١ عيب عليكي تحكي هالحكي عن أولادنا وتظلميهم ما ابتعرفي انو اللي بفتري على أولاد الناس الله ببعتلوا اللي يفتري على اولاده ......

إلى ٣٩

يا أم الطالبة المجيدة إذا بنتك بتقول هذا الكلام فانا بعرف ٢٠ طالب وطالبة بقولوا غير هذا الكلام ومين حضرتك عشان تطالبي بفصل الاولاد

الى 38

احنا ولادنا مؤدبين واولاد ناس واخلاقهم عالية والحمد لله بس انت لا تتفلسفي وتتهمي ولاد الناس بالزور احنا ابننا عارفينه كويس عينه مابرفعها بحدا حياء منه عيب تتهمي الناس بالباطل يا محترمة

الى 38

ولادنا مؤدبين ومربيين بس هاي مدرسة .... وادارتها ....مش عارفة تتعامل مع طلبتها وتقوم سلوكهم وهذا عقاب قاسي جدا طبعا لو عملوا هيك بولادك ماكان هذا موقفك وفلسفة زايدة ما بدها رجاء

إلى دانيال

هذا الكلام مجرد رأي مؤ ضروري يكون صح فما تراه انت أو الذي أخبرك جيد قد أراه انا سئ والعكس صحيح

الصعلوك

طيب وماله النور وين المشكله بالنور
اعتقد بانه النور اناس لطيفون المعشر
وقد قيل بمعشرهم الطيب شعرا
لذا لااعتبرها اهانه للطلاب واهاليهم

إلى الصعلوك

يالحبيب ما بدهاش فلسفة لو صارت بيك أو بولادك كان صرت تحكي حكي ثاني

إلى ممدوح

معلش اذا اولادك هيك احنا اولادنا مو هيك

كامل كمول

على أولة تامر حسني ولسا الجاي أحلى

AAAAAAAAAA

انا كنت بالصف و شفت كل يلي صار الي صار هو كان بعض الطللاب يصرخون و يلعبون و هاذه المعلمة صرخت و قلت عنا (يا نور يا ولاد النور) انا و اثنين قمنا و حكينا (احنا مو ولاد نور ) و اليوم الثاني اجت بنص اول حصة و نادت الولاد الشاغبوا و ما قصروا, صرخت عليهم و خلتهم من الحصة الثانية هيك اشي واقفين بس (مو مندون اكل) و هي دليل انو بعد الفرصة المديرية بعتتهم واحد واحد على شان ياكلوا و نصهم رجعوا على الخامسة و السادسة مش على الاخيرة و رجعوا يلعبوا و يضحكوا و كان عادي يعني م صار اشي من الحكي يلي بالجرايد .

سائل و متأكد

و انا أم ولد من الأولاد اللي تعاقبوا وباكد للمرة الألف انو الإدارة ما سمحت للأولاد المعاقبين أن يأكلوا إلا بعد الحصة السادسة لما نزلوهم ينسخوا في المكتبة كعقاب إضافي والله على ما أقول شهيد

إلى الصعلوك

حبيب هنا المتعارف عليه انه النور مسبة . معلش ..

إلى ممدوح

حبيبي انا ولادي اصلا مو بهاي المدرسة بحمد الله مية مرة ماحطيتهم فيها بس اسمعت اللي صار وبحكي كلمة حق

الدكتور سعيد مخلد النعيمات

ان مدارس الامير حمزة هي من المدارس النموذجية والمرموقة في الاردن لا احد ان يقيمهالان طلابهاوطالباتها في الجامعات الاردنية الرسمية والخاصة هم افضل الطلاب يتمتعون بالصدق والاخلاق والادب والاحترام بين اعضاءالهيئة التدريسية والادارية في الجامعات واني زرت المدرسة عدة مرات وان ابنتي رغد هي تمهيدي في هذه المدرسة واني مطلع على التعاون الذي تقوم به المدرسةوادارتها باهتمام مع طلابهاوطالباتها،يكفي ان الطلاب والطالبات عندهم الصدق في التعامل واشكر ادارة مدارس الامير حمزة على اهتماهم بطلابهم وطالباتهم .

الصعلوك

جميع المعلقين الذي اثار حفيظتهم تعليقي
النور اناس عشوائيين بطبيعه عيشهم الضنك
و سكناهم وترحالهم وعملهم
ولكنهم ليسو مزعجين
اوموذين اوقليلو الادب في الرد
وان كانو الطلاب كما وصفتهم مدرستهم
بسوء السلوك وقله لادب
فهذا يعني ان المعلمه ظلمت النور
بسوء تشبيههم بهؤلاء الطلاب السيئين
لذ فاني ارى من حق النور ان يحتج امام المدرسه
ولا الومهم
ولكنني ادرك جيدا بانهم طيبون
ومتساهلون اي النور اعنيهم
اما ابنائكم فيستحسن ان تهتمو بتربيتهم اكثر
وتراقبو سلوكهم ودراستهم
وتعلموهم
معنى الادب والاحترام

إلى الدكتور صالح النعيمات

معلش يمكن المدرسة تكون منيحة بس خربنها بهاي العاملة، ياترى لو عملوا بأولاك متل ما عملوا بأولادنا هل كان رأيك نفس الشي . يوقفوا بنتك مهزلة للرايح والجاي ويحرموها من الأكل والشرب ويخلوها توقف عرجليها لما داخت وبعدين تكتب القوانين المدرسيةباللغة الانجليزية صفحتين 3 مرات بعد ما اتكسرت رجليهم كمان كسروا ايديهم من الكتابة كان راح تحكي نفس الشي؟؟!!

الى57

لو عملوا باولادك هيك ما كان هذا رايك اكيد

R

إحنا يا دكتور نعيمات عارفين ذلك وأولادنا بالمدرسة و مرتاحين من جميع النواحي ولو أن الإدارة اعترفت بخطاها كان الأمور انحلت مثل باقي المدارس بدون ما ينتشر الخبر

نوري

إلى الصعلوك انت فعلا ..

نوري

إلى الصعلوك انت فعلا...

إلى الصعلوك وكل من دافع عن المدرسة

انا زي ما قلت كان ممكن اوصلها للوزير وبنشوف بعدين شو بصير وانا بعذر لهجتكم اللي مو منيحة لانكم اكيد مغيوظين لانه الموضوع وصل للخارج. شو مفكرين الدنيا سايبة بس هاد درس الكم عشان مرة تانية تحترموا حالكم واولاد الناس. يانور

الى الصعلوك

فعلا انك واحد .. وباعترافك عرفت تسمي حالك والله يعني .....!!!!

الى الصعلوك

والله انك بدك مين ... لكن رحم الله امرء عرف قدر نفسه

الى الصعلوك

.. هاذا اللي ضايل!!!!!!!!!!!!!!!11

محايد

الصراحة تصرف المدرسة خاطىء وكان يجب استدعاء اولياء الامور اذا كان سلوك اولادهم غير سوي وشرح الموضوع لهم وايجاد حل لذلك بالتفاهم مع اولياء الامور هيك الاصول

..

بعدين اذا هو معترف .. ليش انتو خايفين على مشاعره من هالكلمتين!!!!؟؟

الى 64

انتي ..

ممدوح

الأهل يحمدو ربهم إنو الإدارة راضية تخلي هل الأولاد بالمدرسة.عن حد مستوى .. من التعليقات.

إلى 64

وسع وسع لغرندايزر.. كتير خفت من إنك كنت بدك توصلها لوزارة التربية!!!! ما تشدش على حلك لتروح تطق!!!!

إلى 64

شوفي با أخت. إحنا معلمات بالمدرسة بنشهد إنو هي المجموعة من الطلاب بتعمل مشاكل وما رح نسكت من يوم وطالع على اعمالهم. كل ولد ما بحترم المدرسة والمعلمات لازم يتعاقب. ..

محايدة

يا جماعة مو هيك بكون الحوار ..

محامي

إذا بدكم رأيي من الناحية القانونية فعقاب الطالب ممنوع بكافة أشكاله المادية والمعنوية و ذلك بأمر من وزارة التربية و التعليم وإذا تم تقديم الشكوى إلى وزير التربية والتعليم وتأكد الخبر بوجود شهود تتم معاقبة كل من المعلمة والمديرة

نا

انتوا وصفتوا الأولاد بأشياء مش موجودة فيهم بدخنوا وبضربوا معلمة وبتباردوا عالبنات حرام عليكم خافوا الله اللي بشهد وبحكي هيك عن اولاد الناس وهني مو هيك عشان يرضي المدرسة عم بحكي قول باطل بتحاسب عليه. واللي بظلم بنظلم لو بعد حين والظلم ظلمات يوم القيامة. وحسبي الله ونعم الوكيل

الى72

استحي

الى72

ليش حضرتك مقهورة هالقد انت ديري بالك لا يطقلك عرق وليش بتدافعي هالقد عن المدرسة شو .....الادارة؟؟؟؟؟؟؟

الى 64 غرندايزر

واضح جدا انك من جماعة ادارةالمدرسة ....ديري بالك عحالك فش اشي مستاهل كل هالقهر بلاش تنجلطي

الى ممدوح

استحي

معلمة

كوني اعمل في مدرسة فأنا اعرف انه مهما عمل الطلاب لا يصح للمعلم شتمهم وإلا لما سموا الوزارة بوزارة التربية والتعليم،التربية قبل التعليم فإذا قامت هذه المعلمة بقول هذه الألفاظ أمام الطلاب فأي تربية هذه؟! وحتى لو تمادوا فأي عقاب شديد وصارم هذا الذي تم انزاله بهم هناك أساليب أخرى للعقاب مثل الحرمان من فرصة أو من الرحلة المدرسية أو إنذار للطالب وغيرها كانت أفضل بكثير لو ان هذه المديرة تعلم بأساليب التربية والتأديب.هل ترضى هذا العقاب لأبنائها؟؟؟أنا فعلياً لا أرضى ولو كان ابني في المدرسة لأخرجته منها

الى اللي بهزوا ذنب للمدرسة

حطوا نفسكوا مكان اولياء امور الطلبة اللي تعاقبوا كان بكون هذا رأيكوا؟؟؟بلاش هز ذنب

محامي مخضرم

كلامك صحيح أستاذ، وإذا ثبت العكس، أي وجود شهود يؤكدون تبلي الطلاب وكذبهم بشان ما جرى وتهويل الأمور فعندئذ ستقوم وزارة التربية والتعليم بتقديم الشكر للمدرسة لأنها عاقبت الطلاب المشاغبين والذين اساءوا للمدرسة وعطلوا عملية التعليم على الطلاب الجيدين.أنا لا اعرف الطلاب ولا المعلمة ولم اسمع عن المدرسة من قبل ولكن اتسائل، عندما يسيء الطلاب للمدرسة ولزملائهم كما يحدث في المدارس الحكومية في محافظتنا ، ما هو برأيك دور إدارة المدرسة. طببطبة على الموضوع ونمسحها بالوجه ومشان هاللحية ونحلها بفنجان قهوة!

إلى المحامي المخضرم

يا أستاذي إذا كان الطلاب وقفوا عند باب الإدارة فاكيد جميع الطلاب اللي خرجوا للفرصة شافوهم لان الشمس لا تغطى بغربال وعليه يكون الشهود كثر وأولاد حمزة مشهود لهم بالأخلاق العالية كما يعلم الجميع فما الذي يدفع المديرة لمثل هذا العقاب الغير مقبول محليا ولا عالميا

إلى إدارة المدرسة

كان المفروض انه المديرة اللي تتعاقب مو المعلمة، بس للأسف المعلمة فقط هي اللي تعاقبت. المديرة عملت عقاب شديد مو لازم كان لهاي الدرجة تعاقبهم. الأهل مابدفعوا كل هاد عشان هيك ينعمل بأولادهم. اذا الطلاب زي ما بتقولوا سيئين كان لازم ينادوا اهاليهم ويتفاهموا معهم ويحاولوا يوصلوا لحل معهم مو يطبقوا عقاب شديد مرة واحدة

والله سلامات

يرحم ايامك يابا لما كنت تمشي كيلو مترات لتروح لمدرستك وترجع وما كان معك لا اكل ولا شرب ولا مصاري ولا وقت تدرس والمعلم يقطع جنابك ضرب لما ما تحل الواجب.. الصعوبات زمان صنعت رجال والان على انهم ما اكلوا بالفرصة صرنا نلطم.. ما بحكي صح العقاب ولا بايد الضرب ولا التساهل مع المدرسة بس بسال الاهل ليش ما رحتوا عالمدرسة وهذبتوا المعلمات باسلوبكم وحلوتها بدل النت والتهويل هاد كله ليش ما اخدتوا حقكم وخلص لشو كل هالجلبة؟؟ حتى القانون كان جابلك حقك مو كل قضية شخصية بده الواحد يحولها لهيك طريقة..