سلطي حر

معركة كسر شيبس مش كسر عظم ...عظامنا مكسرة من زمان واللي ظل صامد بعاني من هشاشة لحم

عمر

ال50 رح يكونوا 10 و ال200 رح يكونوا 5 والساعة 3 الكل عبيته

وطن,,,

شايفين يا جماعه بلشت الصحف تكتب عنا ويضخمون من هم السبب من يرى
مشاهد كهذه في الشوارع كيف سيستثمر لدينا من هو الذي يخرب بيته بيده...هل نريد من الاخرين لضحكوا علينا يكفينا فسادا لان قمة الفساد ضياع الامن

كله ..

سهل إطلاق شعارات وعبارات منكم يا اخوان...

200K + 50K

من وين ال 200 الف و ال 50 الف رايحين يجوا؟

انا بقول الاخوان بقدروا على 10 - 15 الف
الموالين 5 الاف - 10 الاف 95% من الدرك و الجيش و الاجهزة الامنية

انداري!!!!!!

كساسبه

تخيلوا معي او احلموا ان تلغى هذه المسيرات وان يتم جمع كل قرش يصرف عليها لصالح تعليم ابناء الفقرا في الجامعات او سداد دين عن معسر او كفالات ايتام ... تخيلوا فقط ليس أكثر وشكرا

عارف البير وغطاه

لا كسر عظم ولا حاجة الجماعة سيقومون بزحف لتحرير القدس بعد تحرير افغانستان

رجعنا

رجعنا لحرب البسوس 40 سنه من اجل ناقه. السولافه بدها عقلاء للالتقاء بمنتصف الطريق وانتهى الموضوع بدلا من اضاعة الوطن

نصر

و ترى الناس سطارى و ما هم بسكارى و لكن عذاب الله شديد اغلقت العقول بالدينار و ثارت النفوس بالقوه و الثره اهداوا يا عباد الله و حكموا العقل الكل يبحث عن السياده و المال و الكل فاني اتقوا الله يا من تصرخون ليل نهار تريدون ما لا يريده الضمير الانساني انتبهي يا حكومه كما كان يفعل من قبلكم و داووا جرحكم لا يتسع

المفرق بني حسن

الاخوان والموالاة رح ينهوا المسيرة بسرعة مشان يلحقوا المنسف ببيوتهم قبل ما يخلص وتروح عليهم .

صادق على

لا بد لنا من تعلم قواعد اللعبة الديموقراطية والتزام بها. لو كنت مكان الحكومة لسهلت مسيرة الأخوان المسلمين وحلفائهم.... ودعونا نرى حجمكم الحقيقي في الشارع.... وأن يتم عمل نفس الشيء لمسيرة الموالاة وعلى ان تكون كل من المسيرتين في يوم منفصل وفي موقع منفصل ... مع ضرورة توفير الحماية للطرفين من قبل الشرطة، فالجميع أردنييون ولا بد أن يتمتعوا بالحماية وبحق التعبير عن الرأي.

عالمكشوف / منذر العلاونة

اعلام مزكوم وغير مسؤول يغالي ويفبرك دون فهم ويساهم بالفتنه الا ان الشعب الاردني سيحبط أمالهم .وسنتهي الامور بسلام وكالعاده

الى المفرق بني حسن

بتفكرهم زيك انتوا خلكوا بحرق الكاوشوك ومطالبة بواجهات عشائرية ومناصب جامعية ...

عبدالله

بشكر الأخ الكساسبة التعليق 4 ( بلا حكي فاضي وخليكو ببيوتكم مع عيالكم ووفرو كل قرش لإنه في كثير اولويات اهم ... طعمو عيالكم خبز او تبرعو للمحتاجين) تخيلو كم رح تكلف هاي السوالف يوم الجمعة. والله في ايدي خفية دخيلة على الطرفين مصلحتها انه يسير مشاكل وبلبلة احنا في غنا عنها يا اخوان... احنا البلد الوحيد في العالم اللي بتمتع باستقرار وامن وحب للوطن والملك.

كركي

مش انته نفسك يا بني رشيد اللي كنت ...

محمد

نعم للسلميه

له له

انا بدي اصير عراقي !! عايشين ومبسوطين ومش سائلين !!

الى 10

حقوقنا ناخذها بذراعنا غصب عن الراضي والزعلان

رامي غالب عبيدات

أتمنى ان لا يتم اقحام الاجهزة الامنية في مسيرة تدعى مسيرة المواليين .

عذرا يا وطني فالفاسدين و المتنفذين يحاولون تقسيمنا الى فريقين وكأن الذي يطالب بالاصلاح و القضاء على الفساد ليس بموالي .الموالاة ليست فقط ...بل هي للدين والوطن والشعب والاسرة و الحي أيضاً... الموالاة تبطل في حال بدي الفاسد عن الوطن .... الموالاة تعني موالاة للوطن بكل مكوناته و شرائحة .

اردنية

انا بقول نصلي على النبي و نهدا و نشوف شو صاير من دمار حوالينا و بؤس و دم و اطفال و اههات تبكي و فقر و امراض، بدها سنين لترجع البلدان و من سي لأسوء عشان صار في فتنة و إنفسامات بين الشعب، خلي هل البلد آمن ما في بعد الأمان و الإستقرار في الحياه و بعد هيك كل شي بصير و بتصلح اما بدون امن و ستقرار ما في حياة بل في تشرد. بدكم تهدموا بيوتكم و تشردوا اطفالكم و تخربواا حيانكم و اشغالكم و عائلاتكم يا اردنيين ؟؟؟؟؟؟؟؟؟؟؟

اردنيه حره

انا رايي كل واحد يظل ببيته يوم الجمعه احسنله

الكرك 1

بلاش اعطاء الامور اكير من حجمها رح يذوب الثلج وببان المرج

عارف البير وغطاه

سوف يتحمل الاخوان وزر وعواقب ما قد يحدث يوم الجمعة "جمعة الزحف"

فواز جابر

ان الذي يحدث هو بداية الفتن في الاردن بكل مافي الحديث من معنى

احقنوا دماء المسلمين

"الفتنة نائمة لعن الله من أيقظها".
فالنتعلم من عبدالله بن عمررضي الله عنعما ، حيث عرضت عليه الخلافة عدة مرات وكان يرفضها خوفا من اراقة دماءالمسلمين

قال عليه السلام(لهدم الكعبة حجرحجر اهون على الله من سفك دم امرئ مسلم)

واتقواالله

بحب الاردن

مع تعليق رقم 11 محيك احسن خطوه تضمن سلامه مواطنينا الاعزاء وعدم هدر نقطه دم اردنيه واحده تضمن سلامه الجميع كل مسيره في يوم منفصل يحق للجميع التعبير والمحافظه على اردننا الغالي من الانقسام ...الي طالب بان تكون المسيره في نفس الوقت هم يهود !!!!!!!!!!

اردني وافتخر

طالما ان النية حسنة، ولا يوجد ادنى شك ان الاردني غيور على وطنه فهل يمكن تأجيل الحوار في الشارع والانتقال الى الطاولة لاعطاء فرصة لتصفية النوايا. لنثبت للعالم ان الاردن غير...لنجعل يوم الجمعة لصلاة الاستسقاء...والله ولي التوفيق..

خافو الله

ارجو منكم عدم الخروج يوم الجمعة لانها فتنة مقبلة على الاردن وارجو من اصحاب القرار التراجع عن المسيرات خاصة فب هذا الوقت

طالب جامعي

تبا لكم بلا هبل .. خليكم في البيت
بلاش تقلب الدنيا زي سوريا وبلدان الثانيه مش ناقصنا مشاكل بشرفكم , الكل نفسه يعمل مشاكل بالاردن
مثلا تكون المظاهرات شغاله واحد من الزعران من فوق مبنى بطخ واحد والمظاهرين يحكو هادا الامن عمل هييك هذا سناريو وفي كثيير مشاكل حتطلع مثل هيك ..
تبا لهيك تفكير -.-"

شميخه

....

رامي

نا بني ادم ما بحب اتدخل بالدولة وبنفس الوقت بكره الاخوان الي ما بمدوا للمسلمين بطرف لا من قريب ولا بعيد هدول جماعة ايران الي بتسمي حالها الجمهورية الاسلامية وعاصمتها طهران ما فيها ولا مسجد للسنة وين الاسلام بالموضوع
بعدين بلشتوا بالدولة الدولة بهيك شي معها حق
يعني تيجي لحضارة وتاريخ اكتر من 5000 سنة قبل الميلاد لحتى تحكيلي هسه تصلح وتغير دولة ونظام حكم
بدك تصلح الهرم اصلحه من الاساس مش من الراس
انا بتحدى اي واحد من جماعة الاخوان من صغيرهم لكبيرهم اذا بيقدر يرضي اهل بيته ويعمل كل شي بدهم اياه
ما بالكم بدولة
ليش يعني هلأ بالذات صرتوا تطالبوا بالاصلاح وانتوا يا خوان ........... من زمان بهالبلد ولا بعد ما وصلتوا للحكم بمصر تونس بدكم تلحقوا الاردن الها
اتقوا الله بهالبلد اكلتوا خيرها وشربتوا ممن مائها
ولكوا ارجعوا للروس بالاخوان وشوفه فسادهم واصلحوا بعدين تعالي اصلحوا هالبلد
حتى الدول المانحة للقروض والمساعدات مو راضية تدفع شي لحتى الحكومة تشيل الدعم
وشوف وقتها البلاوي الزرقا
لن يصلح الله ما بقوم حتى يصلحوا ما بأنفسهم

ولاد كلبة

والله بكرا لو يصير فينا مثل سوريا لحتى كل اصحاب المظاهرات ليبكو عالشاشات ويصيرو يستجدو وارحمونا يا عرب انقذونا الله لا يوفقهم الفتانين لحتى يتشوو بنار جهنم وخطية هالبلد برقبتهم ليوم الدين وشوفو مين يؤيكم اكيد العراق او فلسطين او لا لا سوريا ما هما ما عندهم مشاكل

وليد الكردي

اولآ الله يطول عمر ملكنا الي قال انا وشعبي في قارب واحد لا تخلو ضعاف النفوس تخرب اردناالغالي علينا جميعآ

احسن تعليق رقم 1

قررت الجنة المشكلة لاختيار احسن تعليق من تعليقات المشاركين فوز التعليق رقم 1 سلطي حر على تعليقه (معركة كسر شيبس مش كسر عظم ...عظامنا مكسرة من زمان واللي ظل صامد بعاني من هشاشة لحم )
ومنحه الجائزة وهي عبارة عن علبة دواء هشاشة لحم شهريا ولطول العمر

الى الكساسبة

لا يا كساسبة بديش احلم لهادرجة و انهم يدفعوا فلوس ... بس احلم انه كل هالمجهود و التنظيم من الطرفين يصير لمنفعة البلاد و العباد ... مثل تنظيف المدينة , تشجير الشوارع , ترميم مدارس مراكز صحية .... بس الموضوع هو تصارع على اقطاب قوة ..

اربداوي

للاسف الشديد عقلاء الاخوان مغلوب على امرهم

الخرابشة

حسبي الله ونعم الوكيل

حموري

يجب كسر الشر بدل كسر العظم, ولاّ لا ياأصحاب الرأي ؟

الى الخوان المسلمين

الاسلام ليس هو معناه الدمار والقتل واشاعه الفتن والقلقه والتسبب في قتل المسلمين ولكن سوف تتحملون خطايا من سوف يصاب او يقتل فب هذا البلد الامن المستقر لن يسامحكم الله سبحانه وتعالى ورسوله الكريم هذا ان كنتم مسلمين كفوا ايديكم عن البلد ولا تحققوا ا مال الصهيونيه الامبرياليه وكفانا الله شركم الجهاد ليس هنا انتم تعرفون اين يجب ان تكونوا

م.محمد المبيضين

اقترح ان يتم تبادل باقات الورود عند التقاء المسيرتين امام كاميرات التلفزه العالمية لنثبت للعالم ان الاردنيين هم اهل حضارة ورقي حتى وان اختلفت اراؤهم وتعددت اجتهادتهم , فالاردن هو المركب الذي يحمل الجميع , فلنحرص جميعا على ان يبقى كما هو دائما حضنا دافئا ننعم بأمنه ونتفيئ ظلاله وسط هذا العالم المضطرب.
حمى الله الاردن من كل سوء واصلح الله اهله وابناءه وهداهم الى ما فيه خير البلاد والعباد .

مهند - الاردن

انا اردني وافتخر بجنسيتي - ومن اصول فلسطينيه- اقول للجميع ان هذا البلد فضله وخيره على الجميع بالرغم من الظروف الصعبــــه , هذا البلد موارده محدوده ويصنفه الكثيرون ببلد رفاهيه ونحن محسودين والله العظيم على مليكنا , فادعوا واطلب من الجميع ان يصونــوا النعمه التي نحن فيها وان نلتف جميعا حول قيادتنا التي همها الاكبر ارضاء المواطن والنهوض في الوطن ,,,,,وتاكدوا ان الخير الكثير على الطريق