facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




سائقو تاكسي يضربون رفضاً لرفع أسعار الوقود


02-09-2012 01:48 PM

عمون - الاء عليان - ينفذ الآن نحو 150 سائق تاكسي إضراباً عن العمل وسط عمان/وادي صقرة احتجاجاً على رفع أسعار المشتقات النفطية الذي اتخذته الحكومة ليل الجمعة، وأضر بمستوياتهم المعيشية.

وبحسب مديرية الأمن العام فإن حركة السير في مكان الاعتصام لم تتضرر وهي تسير كالمعتاد.

وكانت الحكومة رفعت أسعار البنزين بنسبة 10% والسولار بنسبة 6.8% إعتباراً من صباح السبت.

وأوضحت الحكومة في بيان لها أنها أبقت على الأسعار الحالية لكل من ( الكاز و اسطوانة الغاز ).

  • 1 عمر 02-09-2012 | 01:58 PM

    - هذا قرار جريء يخدم الوطن والمواطن...نتيجة ظلم الحكومة..واتباعها

  • 2 جميل جمال جمول 02-09-2012 | 01:59 PM

    جميل جميل جميل

    المحرر...شكرا على الملاحظة

  • 3 عنجد 02-09-2012 | 02:00 PM

    والله انكوا رجال

  • 4 المواطن 02-09-2012 | 02:00 PM

    بسيطه...
    بكرا برفوعوا اجرة التكسي!!!

  • 5 قررت فعليا انه اهاجر 02-09-2012 | 02:01 PM

    معاهم حق
    انا معاهم مش لانه ما غيروا اجرة العداد وهو الحل الدائم لارضاء سواقي التكاسي , ولكن لانه اليوم اول يوم مدارس وكل الناس بدها وسائل نقل للطلاب او الموظفين و الاهالي , وبالتالي الحلقة بتلف ويجبر المستخدم على دفع الفرق , ولكن همه معتصمين لانه راح يشتغلوا كم يوم على التسعيرة القديمة , وراح الناس اللي بتستخدم التكسي تخف وتروح على الباصات اللي اصلا لا تصلح للاستخدام كوسائل نقل عام ’ سواء بالالية او طبيعة العمل والازدحام وعدم الالتزام بقواعد المرور و الوقت وغير ها

  • 6 ابو عمار 02-09-2012 | 02:02 PM

    معاهم حق والله يعين المواطن

  • 7 اردني و أفتخر - مغترب 02-09-2012 | 02:05 PM

    مع حق الاعتصام الواجب على السائقين عدم غلق الشوارع والذي بحد ذاته جريمة يعاقب عليها القانون. نحن لسنا دولة نفطية و الحكومة لا تجلس على ذهب. لقد تعودنا الدلال مع انتاجية منخفضة و نمط معيشة مترف. حان وقت الاستيقاظ...لن نسمح بالعبث بأمن الاردن

  • 8 صباح احمد 02-09-2012 | 02:14 PM

    وين ماضربت الأصلع بتطيح دمه رح تلف ويرجع الحل على ضهر المواطن
    اي انسان الو قدرة على التحمل ومصير هالمواطن ينفجر

  • 9 زي بالع موس 02-09-2012 | 02:15 PM

    ما هو سايق التكسي زي بالع موس اذا رفع الاجرة الناس بتدق وبتتفشش فيه واذا ثبت الاجرة اكل هوا يعني الحكومة بدها الناس تدق ببعضها

  • 10 في عز الحرّ 02-09-2012 | 02:20 PM

    يوم الخميس الماضي ، ساعة كاملة أي 60 دقيقة ووصلت سيرا على الاقدام ، في فترة الظهيرة ، لم يستجب أي تكسي ، علما أن نسبة المشغول لا تتجاوز ال 50% !
    يوم الجمعة صباحا ، وأثناء مسيري الرياضي - كل تكسي مر زمر بدو راكب !
    يا للعجب !

  • 11 اربد 02-09-2012 | 02:23 PM

    البلد خربت خلص دورنا هسا

  • 12 شرف 02-09-2012 | 02:33 PM

    قسما بالله انهم رجال اكثر من نص الشعب ...

  • 13 عدد المواطنين الذين لم يتظاهرو بلغ555 مواطن 02-09-2012 | 02:43 PM

    بكرة سجن الجويده بده يطلع مظاهرة بسبب ارتفاع البنزين لانه الزوار قلو بسبب الارتفاع
    والله ابو طبله مش لاقين شغله

  • 14 كفاوين 02-09-2012 | 02:50 PM

    حركة السير لم تتاثر اي هو احنا اغبياء الصورة واضحة يا مديرية الامن العام

  • 15 علي 02-09-2012 | 02:53 PM

    ارجو النشر عمون .... اذا كان عندكم شيء من حرية الاعلام ...
    يا اخوان انا لا ادافع عن الحكومة ... والله انها السيارة مقحطة بانزبن ومني مفكر اعبيها ورح اشتري بسكليت عن قريب اروح فيه علورش وانا مهندس يعني المفروض من هلمستورين بهلبلد ....
    بس خلينا نفكر سوا ...
    لويش الحكومة ترفع الاسعار فهاذا الوقت .. معقول هي ما بتفهم لهدرحة ... او ...... لأ بس السولافة انو البنك الدولي بتحكم بهاي الامور يعني املائات خارجية .... الاقتصاد بالاردن تعبان و بالعالم كلو .. عشان تعطي الحكومة رواتب لازم تخضع لشروط البنك الدولي .. من رفع للأسعار واذالة الدعم وغيرها ....
    تفرجو على مصر اول اشي عملو اخوانهم اخظو من البنك الدولي 4.8 مليار ... شو رئي اخوانا هون بهلموضوع ... حلال على بلابلها حرام على الطير من كل جنس .... ولعبه نكشفت ببعثولهم للاخرين كم حرامي ثقة ... يسرقو مصرياتهم ... من هشعب المصري ... وبصيرو يشحدو مرة ثانية باسم الاسلام ....
    ايا االشعب الاردني العظيم ارجو ان تعي للعبة التي تلعب عليك ...
    ابطالها البنك الدولي ... الاخوان ... السفارة الامريكية ... واللبراليين الجدد ... وعن قريب لا سمح الله رح يكون الشعب اذا بنظل عهلحالة ....
    العتب على الخليج اهل المليارات يلي بزكات اموالهم نستطيع النهوض من الازمة ... دون املائات البنك ... ولتعلم يا خليج العرب ان الاردن رأس المسبحة اياكم ان تفرط ....

  • 16 علي 02-09-2012 | 02:59 PM

    ارجو النشر عمون .... اذا كان عندكم شيء من حرية الاعلام ...
    يا اخوان انا لا ادافع عن الحكومة ... والله انها السيارة مقحطة بانزبن ومني مفكر اعبيها ورح اشتري بسكليت عن قريب اروح فيه علورش وانا مهندس يعني المفروض من هلمستورين بهلبلد ....
    بس خلينا نفكر سوا ...
    لويش الحكومة ترفع الاسعار فهاذا الوقت .. معقول هي ما بتفهم لهدرحة ... او ... لأ بس السولافة انو البنك الدولي بتحكم بهاي الامور يعني املائات خارجية .... الاقتصاد بالاردن تعبان و بالعالم كلو .. عشان تعطي الحكومة رواتب لازم تخضع لشروط البنك الدولي .. من رفع للأسعار واذالة الدعم وغيرها ....
    تفرجو على مصر اول اشي عملو اخوانهم اخظو من البنك الدولي 4.8 مليار ... شو رئي اخوانا هون بهلموضوع ... حلال على بلابلها حرام على الطير من كل جنس .... ولعبه نكشفت ببعثولهم للاخرين كم حرامي ثقة ... يسرقو مصرياتهم ... من هشعب المصري ... وبصيرو يشحدو مرة ثانية باسم الاسلام ....
    ايا االشعب الاردني العظيم ارجو ان تعي للعبة التي تلعب عليك ...
    ابطالها البنك الدولي ... الاخوان ... السفارة الامريكية ... واللبراليين الجدد ... وعن قريب لا سمح الله رح يكون الشعب اذا بنظل عهلحالة ....
    العتب على الخليج اهل المليارات يلي بزكات اموالهم نستطيع النهوض من الازمة ... دون املائات البنك ... ولتعلم يا خليج العرب ان الاردن رأس المسبحة اياكم ان تفرط ....

  • 17 المحسيري 02-09-2012 | 03:17 PM

    قربببببببببببببببببببببببببببت المعارك

  • 18 هذول علماء مش شفرية تكسي 02-09-2012 | 03:20 PM

    والله ان عندهم كرامة و حرية اكثر من دكاترة و مهندسين و متعلمين

  • 19 ماكسيكو 02-09-2012 | 03:37 PM

    علما بأن البنزين ارتفع الا انها الشوارع مزدحمة بل يدل ذلك على ...المواطنين كل ما ارتفعت الاسعار تزداد الناس على ذلك وشكرا لتعاونكم مع الحكومة

  • 20 أردني مغترب 02-09-2012 | 03:54 PM

    والله الي يصير إنو ظلم بظلم
    كل شي بيغلا الا المواطن الأردني بيرخص !!!
    والكل بيسأل ليش بنطفش من البلد
    وهاد أول الخراب وما تنسووو ( كثرة الضغط بيسبب إنفجار )

  • 21 أردني مغترب 02-09-2012 | 04:00 PM

    والله الي يصير إنو ظلم بظلم
    كل شي بيغلا الا المواطن الأردني بيرخص !!!
    والكل بيسأل ليش بنطفش من البلد
    وهاد أول الخراب وما تنسووو ( كثرة الضغط بيسبب إنفجار )

  • 22 فؤاد سالم 02-09-2012 | 04:03 PM

    الى سيد علي رقم 14 بدي جوابني على السؤال كيف دول الخليج صاحبت المليارات بدها ساعد الارد وهي تلاحظ وترى الفساد من المسؤولين في الاردن وهم يسرقون المساعدات وغيرها والشعب جوعان

  • 23 ابو الحمزه 02-09-2012 | 04:12 PM

    هذه خطوه جريئه اتمنى من اصحاب السيارات الخاصه اصفاف سياراتهم فى وسط الشارع وتركها ولو لساعه شوف القرار كيف رح يتراجع فوري ومئات القرارات التي يطلبه الشعب0 حيوا ابو اللون الاصفر

  • 24 الاغلبيه الصامته 02-09-2012 | 04:24 PM

    صمتي لا يعني النسيان فالارض صامته وفي جوفها بركان

  • 25 محمد 02-09-2012 | 04:34 PM

    مقدار الرفع على لتر البنزين 7 قروش وما بيستاهل كل هذه الفوضى!!!
    وحسب إستبيان قامت به أمانة عمان الكبرى فإن دخل التكسي أكثر من 60 دينار يومياًَ وهو دخل مرتفع نسبياً.

    الأمن والأمان يساعد على كسب الرزق الحلال ..
    وبالفوضى تنتشر السرقات والقتل وتهتك الأعراض ..

    فدرهم وقاية خير من قنطار علاج!!

  • 26 متشائل عالأخر 02-09-2012 | 04:41 PM

    ارجو النشر عمون
    انا مش مع رفع المحروقات ولكن ارجو ان ننتبه للنقطة التالية
    أن اجرة التاكسي حالياً تكفي للبنزين وأجرة السائق ومثلها لصاحب السيارةوزيادة. يعني بالعربي لو قررت الحكومة فتح مجال الحصول على طبعة تاكسي لمن يرغب من السائقين وبعداد بنصف الأجرة الحالية فستجد عشرات الراغبين ولكن كلنا يعرف من احتكر رخص مكاتب التاكسي.
    ان المواصلات العامة في بلدنا ليس في أحسن حال وبالتالي فأن استخدام التاكسي ليس رفاهية كما يظن البعض.
    لقد سبق ومنحت الحكومة في أواسط التسعينات فرصة لأصحاب التاكسي لشطب السيارات القديمة واستبدالها بسيارات حديثة بمواصفات معينة وبعد عامين من القرار اصبحت معظم سيارات التاكسي لادا بقدرات السحرة المتنفذين من أصحاب المكاتب. وعدنا من حيث بدأنا ثم ظهرت السيارات الصيني وبدأنا نبحث عن بدائل للسياحة فجاء اختراع التاكسي المميز والذي بعد ان باع السيارات الفخمة خصوصي عاد للكورولا ثم باع الترخيص لأبو الحاج
    شعب فاقد الذاكرة وحكومات تنسى التاريخ

  • 27 ابن الاردن 02-09-2012 | 04:43 PM

    والله هذه جريمة كبرى الفاسدون يتكرروا والبلد خربت وضاعت والفاسدون ...والله انا وزوجتي مهندسين قدامى بس صدقوني مش قدرين نعيش

  • 28 ابن الاردن 02-09-2012 | 04:43 PM

    والله هذه جريمة كبرى الفاسدون يتكرروا والبلد خربت وضاعت والفاسدون .... والله انا وزوجتي مهندسين قدامى بس صدقوني مش قدرين نعيش

  • 29 متشائل ومفتح 02-09-2012 | 04:46 PM

    الى تعليق 21 لتكون مفكر اصحاب التاكسيات قلقانين بأسعار البنزين لسواد عيونك.
    حبيبي بس بدهم يرفعوا العداد ويلهطو الوطن لئنه صاحب التاكسي المتقاعد... المحترم مش رح ينزل من الضمان حبيبي
    كل الموضوع انه نهاية السلسلة الغذائية هي المواطن واذا ما رفعوا العداد بكون وقف الموضوع عند سائق التاكسي او مناصفة بين السائق وصاحب السيارة

  • 30 فلاح العرجان الدعجه 02-09-2012 | 04:50 PM

    كلامك صح 100% العتب على اهل الخليج الى ماتقول بترول الاردن البرميل بدولار سبق وان باعته ب6 دولار لاصدقائها لماذا لايكون بترول الاردن بسعر رمزي فقط خلال الازمه والا ماذا نعم العرب مستهدفين واداة الاستهداف الاخوان ورباعتهم والتخطيط صهيوني امريكي من اجل اراحة اسرائيل على الاخر ولماذا فقط الدول العربيه وماحول اسرائيل

  • 31 أحمد 02-09-2012 | 05:07 PM

    أنا متأكد إنه خفت .. عشنكو مظربين.

  • 32 الحر 02-09-2012 | 05:09 PM

    ما في عتب على الخليج
    في عتب على الحرامية الي بالبلد
    بالنسبة الي عمري ما نزلت على مظاهرات واعتصامات بس باذن الله الجمعة اول واحد رح انزل

  • 33 الشونة الجنوبية 02-09-2012 | 05:18 PM

    و الله طلعوا رجال هالسواقين

  • 34 الى 25 الدعجة 02-09-2012 | 05:57 PM

    يا اخوي وش دخل الخليج واهله يا طيب
    ليش ما نقول الحق على الشعب الاردن
    واحبى تحية للسحيجة

  • 35 ابو بشير 02-09-2012 | 05:57 PM

    ع الجهتين اللي ماكله المواطن المسحوق !! اولا الاضراب مش رح يتاثر منه الا المواطن اما اللي عنده سياره وثنتين واربعه مش رح يتاثر ... صدقوني شوف عيني في بيت بدير غبار مريت من امامه في وقت ليس وقت زيارات حتى ما تتحججوا وتقولوا ضبوف عنده فكانت السيرات سته ثلاثه منها من السيارات الكبيره زي اللي نقلت ... . هذا الزلمي ابودير غبار لو ضليتوا مضربين ليوم القيامه شو بهمه ؟؟؟؟؟؟؟؟ظظ

  • 36 ابو بشير 02-09-2012 | 05:58 PM

    ع الجهتين اللي ماكله المواطن المسحوق !! اولا الاضراب مش رح يتاثر منه الا المواطن اما اللي عنده سياره وثنتين واربعه مش رح يتاثر ... صدقوني شوف عيني في بيت بدير غبار مريت من امامه في وقت ليس وقت زيارات حتى ما تتحججوا وتقولوا ضبوف عنده فكانت السيرات سته ثلاثه منها من السيارات الكبيره زي اللي نقلت... . هذا الزلمي ابودير غبار لو ضليتوا مضربين ليوم القيامه شو بهمه ؟؟؟؟؟؟؟؟ظظ

  • 37 ramada 02-09-2012 | 07:21 PM

    والله انكم زلاام

  • 38 الى اردني وافتخر مغترب رقم سبعععععععععععععه 02-09-2012 | 07:48 PM

    يا زلمه كنك نسيت عبارة ( احمدوا الله على نعمة الامن والامان ) اكيد سقطت سهوا ..

  • 39 هدوا بالكوا 02-09-2012 | 08:25 PM

    المنظر مثل صحن الطرمس

  • 40 وبعدين 02-09-2012 | 08:47 PM

    بغض النظر عن رفع الأسعار لا يجب ان تعم الفوضى باسم الحريه هذه ممتلكات الشعب وتدميرها لا يخدم أحد , نرجو مخافة الله في الوطن

  • 41 عصام 02-09-2012 | 11:06 PM

    اي سائقين التكاسي مش كلهم طبعاً صارو يتكبرو على المواطن

    قال اذا ما عجبو وين رايح ما بوصلك .. وغير هيك بلشو ينصبو على الموطانين اليوم واحد بقلي بتدفع دينار بدون عداد لانو غلو البانزين

    شوف لوين الوقاحة وصلت

  • 42 علي 03-09-2012 | 04:33 AM

    دينارك ما بيجيب لتر بنزين يا بو دينار الى 41

  • 43 1987 03-09-2012 | 11:51 AM

    اول مره بحس ان سائق التاكسي له موقف و مشرف كمان و الله ما حدا بيسترجي يعملها .....

  • 44 mmmm 03-09-2012 | 12:47 PM

    لو مع كل رفع اسعار بصير اعتصامات
    كان مش كل شهر وشهرين في رفع للأسعار
    لازم دايما اعتصامات لرفع الاسعار مهما كانت


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست