facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




طلبة التوجيهي : تجنبوا التخصصات التالية


07-08-2012 04:04 AM

عمون - أعلن ديوان الخدمة المدنية الاثنين مؤشرات نتائج الدراسة السنوية التي يجريها حول وضع التخصصات الجامعية لارشاد الطلبة حول كل تخصص ووضعه من حيث قوة الطلب في سوق العمل.

وقال رئيس الديوان الدكتور خلف الهميسات في مؤتمر صحفي الاثنين وأورد خلاله تزامنا مع ظهور نتائج الدراسة الثانوية العامة المؤشرات والإحصائيات الخاصة بطلبات التوظيف المقدمة للديوان ،مشيرا الى انها تأتي بهدف توفير المعلومات اللازمة لارشاد طلبة الثانوية العامة الراغبين بالإلتحاق بالجامعات الرسمية والخاصة وكليات المجتمع وإطلاعهم على أعداد الطلبات في كل تخصص على مستوى المملكة وعلى مستوى المحافظة، وعدد المعينين .

وأضاف بأن عدد الطلبات المقدمة والموجودة على قاعدة بيانات طلبات التوظيف في ديوان الخدمة المدنية تزيد عن 246 الف طلب في مختلف المؤهلات والتخصصات العلمية وكانت فرص التعيين في الجهاز الحكومي خلال عام 2011 (10670) فرصة عمل ، الأمر الذي يؤكد محدودية فرص العمل في الجهاز الحكومي والتي لا تتجاوز5 بالمائة من المجموع الكلي لطلبات التوظيف المقدمة لديوان الخدمة المدنية .

وأكد الهميسات أن النسبة العظمى من طلبات التوظيف هي من الأناث حيث تصل نسبة طلبات التوظيف المقدمة من الأناث إلى المجموع الكلي 77 بالمائة وعددها 159ر189 الف طلب توظيف منها 841ر132 من حملة الشهادات الجامعية و56318 من حملة شهادات كليات المجتمع .

وفي معرض رده حول أمكانية التنسيق مع الجامعات لوقف القبول في التخصصات الراكدة أوتلك المشبعة مؤقتا لحين الحاجة اليها، اعرب عن امله في ان تكون التخصصات حسب الحاجة في المملكة.

وحول هذا الموضوع قالت مديرة البعثات في الديوان منال قرقش ان الجامعات الاردنية ليست فقط للطلبة الاردنيين فهناك العديد من الطلبة العرب والاجانت في الجامعات والعديدين يقبلون على تخصصات قد تكون راكدة في الاردن ولكنها مطلوبة في بلدانهم، كما انه يمكن للعديد من الطلبة الاردنيين ايجاد فرصة عمل في الخارج في تلك التخصصات.

وبحسب دراسة للديوان العام الماضي فان من التخصصات المشبعة، هي احياء، فيزيا،بيئة،كمياء، الاراضي والمياه والبيئة، شريعة ودراسات اسلامية، علم اجتماع، جيولوجيا، اللغة الانجليزية وادابها خصوصا للفتيات، تقنيات حيوية، علوم ادارية، تربية وتعليم، التربية الرياضية، فنون جميلة، صحافة واعلام، الهندسة الصناعي والكهرباء والميكانيكية واليكتروميكانيك، تامين، صحة عامة، علوم الحاسب الالي ادارة مدرسية، نظم معلومات، مختبرات وتحاليل طبية، لغات اجنبية، هندسة الانتاج الصناعي، هندسة الحاسبات الالكترونية، تمريض.

أما التخصصات الراكدة فهي الهندسة الالكترونية، والهندسة الانشائية، وهندسة الاتصالات، المحاسبة، والصيدلة، هندسة القوى والالات الحرارية، ادارة فنادق، تسويق، اقتصاد، علوم مالية ومصرفية، علوم سياسية، هندسة الميكاترونيكس، هندسة القوى، انتاج نباتي، انتاج حيواني، اثار، علاج طبيعي (معالجة حكمية وتأهيل) الهندسة الحيوية، تغذية وتصنيع غذائي، وقاية نباتية، سياحة وعلوم سياحية ، هندسة انشائية وجسور، اقتصاد وارشاد زراعي، هندسة انشاءات المباني، اقتصاد وارشاد زراعي، ادارة مستشفيات اشعة وتصوير اشعاعي وتقنيات اشعة، هندسة مساحة طب بيطري، هندسة المواد هندسة معمارية تخطيط، العلاج الوظيفي، وبستنة شجرية.

وبين الهميسات أن التخصصات التعليمية تحتل النسبة العظمى من مجموع طلبات التوظيف حيث بلغت نسبة التخصصات التعليمية 54 بالمائة من المجموع الكلي للطلبات معظمها من الأناث ، والتخصصات التجارية 10 بالمائة والهندسية 9 بالمائة والادارية 9 بالمائة والطبية 9 بالمائة والتخصصات الأخرى 8 بالمائة.

كما أعلن رئيس ديوان الخدمة المدنية أنه بإمكان كافة المواطنين من طلبة الثانوية العام وأولياء الأمور الاطلاع على كافة تفاصيل أعداد المتقدمين بطلبات توظيف للديوان وأعداد المعينين حسب الجنس والمنطقة الجغرافية من خلال زيارة موقع ديوان الخدمة المدنية الالكتروني :www.csb.gov.jo واكد ضرورة تغيير ثقافة المجتمع نحو الوظيفة الحكومية ، بسبب محدودية قدرة الجهاز الحكومي في التوظيف ، وأن فرصة التعيين في الدولة هي إحدى فرص التعيين وليست كل الفرص ، مشدداً على بناء ثقافة جديدة بين أبناء مجتمعنا ووطننا العزيز والتي تتمثل في المبادرة بفكرة المشاريع الريادية والصغيرة وضرورة تعاون القطاع الخاص مع القطاع العام في حل مشكلة البطالة وتحقيق التنمية.

وشدد على ضرورة أن تتجاوز فكرة التخصصات الراكدة والمطلوبة والانطلاق نحو إعادة تأهيل الخريجين بمهن مطلوبة في سوق العمل.

بترا

  • 1 هههههههههههههههههه 07-08-2012 | 04:10 AM

    اذا كل هذه اتخصصات مشبعة وراكدة شو ضل الناس تدرس هههههههه جد شو ضل تقريبا 90% من التخصصات الجامعية يا راكدة يا مشبعة معناه نوخذها من قاصرها وعلى اقرب ورشة ميكانيك او موسرجي

  • 2 راكدة و مشبعة 07-08-2012 | 04:19 AM

    ب اي تخصص للدراسة. بيعين الله.

  • 3 كاسك يا وطن 07-08-2012 | 05:28 AM

    يعني شو ضل تخصصات يدروسوها الناس مش راكدة ؟؟؟؟
    هذا دليل فشل الاردن بحكوماته المتتابعة في تامين وظائف للخريجين
    ودليل فساد اداري وواسطة ومحسوبية بالوظائف !!!
    انا بعرف واحد بشتغل ملحق ثقافي بسفارة معو توجيهي يا ناس توجيهي الله قالها ؟؟؟!!!!!!!!

  • 4 توجيهي 07-08-2012 | 06:26 AM

    خفضوا معدلات القبول صعبوا الاسءلة مو ضروري ثلاثة ارباع االمملكة 99 خلوا الكل يقدر يدرس تنافس مو الواحد بجيب 95ولا 93 ويا دوب يحصل تمريض بعدين تعالوا قولو انو ادرسوا المواد الراكدة (والتي هي يا دوب للي بجيب 99)
    مع فائق الاحترام

  • 5 اردني 07-08-2012 | 06:55 AM

    طب والله قولولنا شو اللي ندرسه

  • 6 رد الوطن 07-08-2012 | 09:16 AM

    يمكن موظف التوجيهي ( يا كأسك يا وطن ) يفهم أكثر من ناس معها دكتوراه وليس كل واحد معاه جامعة أو ماجستير أو دكتوراه يفهم أكثر من اللي معهم توجيهي لأن ممكن الباكالوريوس أو الماجستير أو الدكتوراه أخذها من دار أبو سفيان يعني كل واحد سجل في الجامعة ناجح لا محاله

  • 7 لاحول ولا قوة الا بالله 07-08-2012 | 12:30 PM

    بعين الله

  • 8 علاء 07-08-2012 | 12:56 PM

    شو ظل؟؟؟!!!!!!!!!!!!!

  • 9 خريج جديد 07-08-2012 | 01:02 PM

    يعني كل التخصصات يا مشبعه يا راكده .. والله شيء مضحك
    أصلا الأردن "مزرعة" طلاب جامعيين على كفاءة عشان يتصدروا للخارج بالاخير ، ولانو بالاخير عنا ما في فرص عمل !!

  • 10 مواطنه 07-08-2012 | 01:04 PM

    وين التخصصات المطلوبة في الاردن اذا نصها راكده ونصها التاني مشبعة؟ شو مطلوب ندرس.

  • 11 تأييد رقم 1 07-08-2012 | 01:13 PM

    نعم صحيح, حسب معلوماتي رئيس الديوان ذكر كل التخصصات الموجودة في طلب الانتساب الموحد للجامعات.

  • 12 تخصص القانون (الحقوق) 07-08-2012 | 01:50 PM

    لا تجيب سيرة

  • 13 مواطن 07-08-2012 | 01:58 PM

    انا معلم مدرسةوابني معدلة 72 ادبي اسالكو بالله تحكولي شو اعمل, مقعد في تخصص غير راكد ما بحصلةواذا حصلة فلوس تدرسة ما في,واذا استدنت لتدريسة كيف بدي اسدد الدين, جيش ما بدة, واسطة ما معة, راتبي لا يكفي بقية اخوتة,ينتحر ما بده,يا ناس يااللي بتسكرو كل يوم بالالوف اتقو الله بالاردن,لا حول ولا قوة الا بالله,

  • 14 عون 07-08-2012 | 02:07 PM

    غريب انتو لحد الان بتعملو على المدى القصير يا ديوان الخدمة اذكر قبل 10 سنوات قلتم على تخصصات مطلوبة وبعد ان تخرج اطلاب من الجامعة اصبحت راكدة

  • 15 ابن الاردن 07-08-2012 | 02:53 PM

    هادا الحكي يمثل القطاع الحكومي فقط واللي اصلا ناس كثير بطلت تقدم اله من زمان ....الوظائف والشغل كلها في القطاع الخاص حاليا ...اكثر التخصصات اللتي لا تزال مطلوبه هي التخصصات الهندسيه والتعليميه ...للاسف تقرير ديوان الخدمه فيه تضليل للطالب ...يجب ان يصدر تقرير اخر من وزارة العمل حول التخصصات المطلوبه في القطاع الخاص وفي الخارج ايضا مثل دول الخليج ...باقي التخصصات لا يعني استحالة تحصيل عمل فيها فالسوق حاليا سوق خبرات اكثر منه سوق تخصصات فالتخصص اصبح مجرد شهادة ولكن اصحاب الشركات تنظر لخبرة الباحث عن العمل ومهاراته ولغته وشخصيته وشو ممكن يقدم للشركه ...تخصصات الاقتصاد كلها ممكن تشتغل في المبيعات اللي هو مجال واسع كثير

  • 16 خبير مقلع طواحين 07-08-2012 | 03:19 PM

    تعليق 12 ابن الاردن انا كمان ابن الاردن وبقلك انو القطاع الخاص بمص دمك وبحلبك وبشفطك وبستغلك وبعطيك ( 150) ليرة شهري بتصرف 50 وبتشتري سيارة بخمسين وبتجوز بخمسين وبتشتري شقة شحدةوبتوفر ؟؟؟وبتعيش بسعادة ونبات وبتخلف بنات ....ههههههههههههههه

  • 17 معلم مقلع طواحين 07-08-2012 | 03:30 PM

    التخصات المطلوبة
    هندسة طراشةـ هندسة قصارةـ تشريح خرفان(من الآخر لحام)ـ شفير تنكة(عامل بطون)ـ كبتن صاروخ(من الآخر شفير باص)ـ مساعد كبتن (كنترول باص)ـ محلل وخبير وراوي (حلاق)ـ فلسفة تحليلية( شفير تكسى)......
    ولا تنسو تخصص هندسة الطوبرجي

  • 18 RASHEED 07-08-2012 | 04:12 PM

    الاخوة الاعزاء خريجي التوجيهي
    نصيحة لوجه الله:
    1- حاولوا تختاروا تخصص ينفع للتوظيف في القطاعين العام والخاص
    2- اجتهدوا وباكبر قدر ممكن في اللغة الانجليزية
    3- لا تعتبروا الدراسة في الجامعة نزهة وتسلية وترفيه. لانها ستحدد مستقبلك والتخصص الذي ستدرسه اليوم سيقوم صاحب العمل بوضعك في موجههة معة فاما تكون مستعد او لا تكون
    4- الوظائف الان تحددها المقابلات الشخصية التي تتضمن معرفة دقيقة بالتخصص واللغة الانجليزية والخبرة عندما تكون متوفرة
    وكل واحد عتبه على ذراعه
    والله يوفق كل ابناء الاردن

  • 19 لينا 07-08-2012 | 04:22 PM

    بلاش ندرس بتريحوووووووووناااااااااا

  • 20 زيد 07-08-2012 | 04:39 PM

    احسن تخصص فيسبوك او تويتر مع شوية واسطه ممكن تصير وزير شباب أو وزير شؤون المرأة وبيجوز اذا كنت شاد حيلك تشكل حكومه

  • 21 عضو هيئة تدريسية 07-08-2012 | 04:56 PM

    للاسف بعض الجامعات ومنها الحكومية اصبح شغلها الشاغل زيادة عدد الطلبة المقبولين كل سنة في كافة التخصصات دون الالتفات الى حاجة السوق والى المعلومات والارقام المهمة الواردة في التقرير. للاسف بعض الجامعات الحكومية تقوم بالتحايل على هيئة الاعتماد بغية زيادة الطاقة الاستيعابية في التخصصات دون الالتفات الى مستوى ونوعية الخريج

  • 22 اردني 07-08-2012 | 05:20 PM

    لا تنسوا تخصص راعي...

  • 23 دكتور جامعي: محلل لغوي 07-08-2012 | 05:50 PM

    تخصصات مشبعة : يعين ما في شغل بالاردن فعليك بالاغتراب
    تخصصات راكدة: ما في شغل بالمحافظات ، رواح لعمان او اغترب

  • 24 آغو 07-08-2012 | 05:52 PM

    الحل انه الكبار يتقاعدوا ويتوظفوا الصغار لانه بعتقد انه الكرسي ما عليه آآآآآآغووووووووووووو

  • 25 دكتور جامعي: محلل لغوي 07-08-2012 | 05:52 PM

    تخصصات مشبعة : يعين ما في شغل بالاردن فعليك بالاغتراب
    تخصصات راكدة: ما في شغل بالمحافظات ، رواح لعمان او اغترب

  • 26 RED ROSE 07-08-2012 | 05:58 PM

    من الاخر

  • 27 RED ROSE 07-08-2012 | 06:03 PM

    والله انهم من الاخر التخصصات راكده وانا راكده معهم تصبحوا ع خير ودي اروح اركد

  • 28 أحمد بدر 07-08-2012 | 06:20 PM

    كنت اتمنى من التقرير ان يعطي الطلبة التخصصات المطلوبة بعد اربع سنوات واتوقع حسب معلوماتتي أن لايجد أي تخصص بإستثناء مهندس موسرجي ومهندس حلاقة ومهندسة تجميل

  • 29 طالب 07-08-2012 | 07:00 PM

    اوكيه ما طلعلي هندسه .... وطلعلي احياء او كيميا وفرقت اعشار ..
    الحق على مين!!!!!!!!!!!11

  • 30 $مجهولة$ 14-08-2012 | 04:54 AM

    انا بحكيلكو شوالحل بالنسبة للبنات حبيبتي توظفي بمطبخ ابوكي وللشباب روحو على جيش ابو حسين

  • 31 serena 14-08-2012 | 11:03 PM

    انا بفضل نروح ندرس بره

  • 32 hadeel 04-09-2012 | 03:14 AM

    هلا انا تخصصي ميكاترونيكس سنه 3 وكل ما احكي لاي شخص انه بدي احول بحكولي بالعكس تخصصك جديد ومطلوب وبالنقابه بحكوا راكد مع العلم انه هاي الهندسة تعتبر الهندسة الاولى باوروبا وبالخليج وانا رح استمر فيه وبالاخر كلها ارزاق من ربنا

  • 33 محمد عامر 13-09-2012 | 03:17 PM

    أحسن شغله في البلد زبال في أمانة عمان

  • 34 رنا 24-09-2012 | 10:29 PM

    انا ما بعرف بس درست لغة انجليزية لمدة سنتين بعدين حولت معلم ص3ف حكولي هذا التخصص ممتاز خاص وحكومي وهسة لا خاص ولا حكومي

  • 35 Esraa Rahma 28-09-2012 | 01:22 PM

    والله انا طالبة بصف عاشر كنت مقررة ادخل صحي بس انا شايف شايلين كل التخصصات الاحسن الواحد يقعد بالهدار

  • 36 انوس 01-11-2012 | 01:00 PM

    انا بدرس كيمياء في الجامعة الاردنية (سنفور)مستحيل مافي شغل!

  • 37 محتار 06-12-2012 | 03:47 PM

    انا طالب جامعي في ال البيت بدرس تخصص تاريخ شو رايكم فيه مش موجود مو بلمشبع ولا براكد

  • 38 غريب 03-01-2013 | 08:49 PM

    الله بعين

  • 39 نشميه 2013 17-02-2013 | 11:42 AM

    بفهم اي تخصص لم يذكر مطلوب خريجة قانون 2001ولا هذا التخصص مش معترف فيه

  • 40 alaa 02-03-2013 | 01:40 AM

    السلام عليكم
    شو هي التخصصات الي يتنصحونا فيها يعني شو ضل تخصصات

  • 41 انا مش نشمي من بعد الي صار 06-03-2013 | 03:30 PM

    والله العظيم احسن اشي انو الواحد يدرس وبس يخلص التخصص الي بدو اياه يروح يسفح برة الاردن لانو الاردن بلد الفساد وسوء التنظيم

  • 42 طالب جامعي 14-06-2013 | 10:48 PM

    احسن اشي .....كلكو وتدرسو وانتو ساكتين كل واحد الو نصيب بهلدنيا بيخذو

  • 43 مرح زيتون 14-07-2013 | 10:45 AM

    طب احنا شو نعمل ؟؟؟؟؟؟؟؟؟؟؟؟؟

  • 44 مياسيه 28-07-2013 | 10:53 AM

    بصراحه كلها مصخره من التوجيهي للجامعات اداره فاشله

  • 45 مياسيه 28-07-2013 | 10:53 AM

    بصراحه كلها مصخره من التوجيهي للجامعات اداره فاشله

  • 46 سالي 01-08-2013 | 04:53 PM

    الله يسامحكو احنا بدنا نروح عالجامعات و نتوظف ببلدنا يعني راعونا بس شوي لانه كتر الظلم مو منيح

  • 47 تتت 02-08-2013 | 06:17 AM

    والله لو اني شب لاصير موسرجي او كهربجي
    بجيبوا مصاري ذهب بس يا حسرة على جوز نصرة

  • 48 ولي امر 04-08-2013 | 12:30 AM

    شوهي السخافه تضحكو على الشعب المسكين اللي ذاق المر وهو يدرس مع اولاده الى التوجيهي حسبي الله في هيك حكومه

  • 49 عماد القرارعه 06-08-2013 | 06:21 AM

    طيب يا اخي شو خليتو النا تخصصات مطلوبة ..... شو يدرس الناجح ؟؟!!! "حسبي ربي على من يحتكرون مصير الامة "

  • 50 حنان 10-08-2013 | 07:59 PM

    بالله عليكم شو ضل ؟؟ غريب ما جبيتو سيرة التمريض !! بس حسبي الله عليكم

  • 51 ما بعرف ؟؟؟ 16-08-2013 | 12:37 AM

    انتو ليش مغلبين حالكو وكاتبين كل التخصصات الراكده والمشبعه اكتبوا التخصصات اللي عليها طلب.......... وريحونا

  • 52 عبدالرحمن 09-07-2014 | 01:03 PM

    عامل النظافة في ألمانيا بياخد 5000 يورو
    مين الو مصلحة

  • 53 Noor 09-09-2018 | 05:15 PM

    طيب انا بدي ادخل علمي بس ما بدي اختار فيزيا شو بتنصحوني


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست