الحنيطي داهية الصحراء

الاردن أكبر من صغائر الامور

نطحة

يعني سنح نظام سورية وسنح قناة الدنيا . يشوفو لهم حجة ثانية غير اسرائيل مهم النظام السوري اكبر عدو للقضية الفلسطينية وا كبر صاحب حميم لاسرائيل وستكشف الوثائق الاسرائيلية والامريكية ذلك ولكن بعد ذهاب النعجة. يعني يا حرام اسرائيل بستنا بدها تشوف شو هي الاسلحة السورية وهم حلقو عدة مرات فوق قصر الرئيس و النظام السوري بعده محتفظ بحق الرد و ضبط النفس. اما مع شعبو ما في ضبط نفس ولا احتفاظ بحق الرد. ولك غور يا نعجة احنا بالاردن اشرف من مليون متلك بدك تزاود علينا ولك اخلاقنا واخلاق قيادتنا ما تسمح انو نسلمك الطيار او الطيارة عشان تقصف فيها الاطفال...

ههههههه

اه والله اسرائيل قلقة بصراحة و نتنياهو بنامش الليل مسكين ,, مين الدنيا هذول شو بخبصوا ,, ولكوا اسرائيل صار عندها طيارات اف 32 اللي مش موجودة بكل الوطن العربي وطيارة ميغ هاي موديل 59 و معدلينها وخايفة منكم .. ولكوا الله يرحم ايام ما طياراتهم طلعت فوق القصر الرئاسي و " احتفظتوا بحق الرد " !!! و لما رديتوا رديتو ع شعبكوا السني الغلبان !!

انا بنصح "اسرائيل " (اذا فرضنا صحة كلامهم )انهم ما يغلبوا حالهم التعديل واضح عالطيارة بس جنطوها زمان كانت تيجي طاسات !!! و بجوز مش اكيد ركوبلها موتور عالغاز اوفرلهم !!

بحضروا افلام اكشن كثير الدنيا هالايام !! قلبوا بعبع للعرب كلهم !!

غافل

هذه الطائرة اكل الدهر عليها وشرب وهي من الطائرات التي احيلت الى التقاعد من زمان وتفتقد لأي تكنلوجيا حديثة

طارق الحمصي

هههههههههه!! خدمة لاسرائيل؟؟؟!!!! هههههههههه!! لك الميغ 21 كان جد جدي يحكي فيها!!! لأ وتطوير كمان!!! والله ما حدا خدم اسرائيل قد الأسد ونظامو!!

عبدالناصر

ما أوردته قناة اصحيح 100% والتنسيق بين السلطات الأردنية وبين الطيار الخائن كان تنسيقاً مسبقاً ومعداً له بشكل جيد بدليل أن مجلس الوزراء منحه ما يسمى (حق اللجوء السياسي) خلال ساعتين من دخوله الأجواء الأردنية ، وهي أسرع عملية منح لجوء في تاريخ العالم وأعتقد أنها دخلت موسوعة غينيس .

صياد زريقيات

صدقونوا مغيطة تنزلها. قال تطوير روسي كوري قال. اذا احدث طائراتهم ما ساوت اشي لمنها تهدد امن العالم تنكة نفاثة.

القماز

و الله للسكراب ما بتنفع

حبوش

مش بس اكل الدهر عليها وشرب وكماااان..... الصومال تستحي ان تقتني مثل هذه الطائرة. كيف وسوريا دولة صمود وتصدي ومواجهه مع العدو الصهيوني. صدقوني انا زرت سوري كثيراً قبل الثورة وكنت امتعض كلما رأيت السيارات العسكرية والآليات الصدئة بعضها يجوب الطرقات محملاً بجنود لا تمت اشكالهم ولا قيافتهم العسكرية للجندية بصله والبعض الآخر يكون متعطلاً على جنبات الطرق والتي يتجاوز اعمارها اكثر من 30 سنه. وبدكوا تحاربوا كمان. اسطوانتكم مشروخه. طيارتكم ما بتنباع بسوق السكراب. إسألوا الجبالي شو بتجيب لو عرضناها عليه.

متابع

هذه الطائرة مثل سيارات الفيت القديمة غير صالح حتى للطيران بتخوث على مين قال اسرائيل خايفة من التعديلات على الطائرة

Mohammad1981

فقط للتوضيح سنة انتاج هذا الموديل يعود لعام 1959 فقط لاغير .وتوضيح اخر لم يطلق من الجانب السوري على اسرائيل منذ عام 1973 اي رصاصة بمعني 39 عام .السؤال ما رأي مدعي القومية في هذا النظام الذي يبيد بشعبة؟؟؟!!!!!!!!!!!!!!!ورد على السؤال هذة الطيار تستعمل لقصف المدنيين السوريين فقط لاغير

طير شلوى

من دخا بيت الاردنيين فهو امن انسو الطيار والطيارة اصبحت ضمن طائرات سلاح الجو الاردني

jordan first

قال شو (الاطلاع على عملية التطوير على هذا الطراز من الطائرات)
خردة عمرها 20 عام
اتمنى اعادة هذه السخافة التى تدعى طائرة كي ننتهي من الاستماع لتبريرات عقيمة و مفلسة
الله يحفظلنا ابو حسين

من قلب الحدث

الي بيسمع بيصدق ولك ماهي كوم خردة لا يستفاد منها

الشاطر يفهم

ضحكتني هذه القناة،

اردني

طيارة انصنعت سنة 1959, يعني شو ظل فيها أسرار

بو امير

مدام الطياره خرده اذا لماذا التاخير؟ اعطوني سبب وجيه يمكن بدها بنزين كتير و الله مهزله

سوري

كلام سليم

محمد الدويري

والله طياره الورق احسن منها.

خالد

هو فعلا صح

كركي

عاد الطيارة خالي قص

الى ابي العريف عبد الناصر 3

يا خوي يا عبد الناصر والله لو الاردن ما اعطته حق اللجوء و رجعته غير تطب عليك النخوة مرة وحدة و غير تتهم الاردن بالخيانة. سواليفك بياتة

جرشاوي

هاي الطائره تصلح لشمات هوا (سيران) وليس قتال

اردني

يا حكومة ليش التلكؤ في التسليم,,,,الكل عارف الصحيح,,,, مش عارف ايش مصلحتنا في تأخير التسليم غير انه نسمع كلام تأمرنا على النظام في سوريا,,,, على رأي المثل,,, اسمع كلامك اصدق اشوف افعالك استغرب

اسألوني انا

هذه الطائرة طعم للناتو. عشان يقولوا طيارات السوريين خردة و ما يحسبوا حساباتهم. فهمتوا؟ والا اعيد بلغة اقل علمية؟ وابسط سياسيا؟

رؤى

سلموها و خلصونا

بكفي مؤامرة على سوريا الاسد

بكفي كلام وسلموا الطيارة

اردني مغترب

مقال صحيح

معتصم ابو رمان

الي بسمع بصدق - طول نهاركم تقصفوا باليهود يا ابطال - سنحكم مهي عشان تقتلوا فيها الشعب السوري البطل

كركي حر

سلموها

ابن سوق

السبب في التأخير لأنه ......... محتجين

زيد السمور

اذا الطيارة خردة كما يدعي ....... ليش ما يتم تسليمها ونخلص من القال والقيل

الخبير الامني والاستراتيجي

كوني خبير استراتيجي راح اعطيكم الصافي, قصة هذه الطائرة ستكون بداية حرب شرق اوسطية تاكل الاخضر واليابس ويكون الخاسر فيها العرب . وساتر هو الله, انا اعذركم على تعليقاتكم لانه تفكيركم سطحي.

من المفرق

بلاش نصدق حالنا ... إجتنا طيارة سورية مخردلة. توقع من حجر موديل 1959يعني مش عارف شو فيها مزيات على العموم .. ما بدنا نسلم الطيارة

عصام

الطيارة عليها غبرة والي بسوقها هذا شخص محترف لانها قديمة جداً جداً جداً

ايلول الاخضر 1970

يجب ان لاينسى ابناء الاردن الشرفاء موقف الرئس المرحوم حافظ الاسد في عام 1970 عندما قام من مدت له الاردن يدها وتبرعت لهم حرائر الاردنيات بمصاغهن الذهبي لتحرير فلسطين وفوجئ الاردنيين بسلاحهم يوجه لقتل الاردنيين ومحاولة الاستيلاء على السلطه وفامت يومها السلطة الحاكمة في سوريا بدفع قطعات الجيش السوري المدرعة للوصول الى مشاارف اربد وعندما تم الطلب من المرحوم الاسد باسنادها بطلعات جوية رفض ان يشارك بهذه العمليه الدنيئه فعلى الاردنيين الشرفاء ان لاينسوا ذلك

ابراهيم / الكرك

لو ألطيار خائن لوطنه وجاسوس كان هرب لاسرائيل مباشره وهناك ببعبشوا المدعوه ألطياره على كيفهم هذا ألكلام مجازا اذا كانت ألدنيا صادقه

خبير اردني

انا بتوقع انو جيبوتي و طاجيكستان هم وراء هذا الموضوع.
بدهم يسيطروا عالعالم.
يا ناس ديروا بالكم من جيبوتي و من ورائها سيريلانكا لأنهم بدهم يسرقوا ثورتكم.

احمد

عبد الناصر غايب فيلة هو انت مش عارف انه كل يوم بنقتل من السوريين اكثر من مئة شخص ومش عارف كيف بتتساءل ليش اعطوه اللجوء السياسي شكلك بعدك عايش في عالم المؤامرات وتسمع الاخبار اليومية

ايلول الاخضر1970

للتذكير \\ لاحقا للتعليق السابق الى من لايعرف\المرحوم حافظ الاسد كان قائدا لسلاح الجو السوري\\ قبل ان يصبح رئيسا

مغترب

نظام مفلس بكل معنى الكلمه لا يكف عن الكذب ابدا ولذلك لا بد له من الزوال ان شاء الله

ربداوي

يا من ترى بنشوف راسك متدحدل يا بشار قبل رمضان بدي اعمل هالصوره برواز بالدار

كوه

بس بلاش

حبوش

يا حضرات المعلقين الكرام : هناك اعراف دولية بهذه الحالات ولا يجوز تسليمها بدون استيفاء كامل شروط المعاهدات الدولية بهذا الخصوص. لماذا لم يطالبوا بطائرة الميج 29 والتي اختطفها قائدها وذهب بها الى اسرائيل قبل 15 عاماَ، وقد فككت بالكامل ولم تسلم رغم اعتراض روسيا على ذلك. بلاش تفقع حكي انتم المطالبين بتسليمها فوراً لو تم ذلك لقلتم ليش تسلموها.

اردني عسكري قدددددددددددديم

حملها بسارة كونتنتال وعلى الحدود وارميها عليهم .لا قيمة لا عسكرية ولا معنوية ولا سياسية ولا فنية ولا ...ولا الها. لويش ماسك فيها حتى الآن

الى أيلول الفستقي

هو في عسكري ولا مدني ولا بس بكل تاريخ سوريا بمون على حاله،أخلاق بشار من أخلاق أبوه

صابر الهزايمه

كما كان للدوائر السياسية المرتبطة بجدتي ام سليمان العرجا دور كبير في ترتيب عملية تناول الطيار لسندويشات الزيت والزعتر اثناء عملية هروبه بطائرة الميج 21...

ابو الوجد

الظاهر انه السوريين نسوا انه طيار سوري هرب بطائرته الميع 21 قي منتصف عقد الثمانينات الى مطار مجدو شمال فلسطين وحصلوا على ما يريدونه عن مميزات الطائره في ذلك الوقت واؤكد انه بعد غزو العراق واحتلاله جمعت كافة المعلومات الفنيه عن جميع الاسلحة الشرقيه بواسطة القوات الامريكيه وهو امر ليس بالجديد او السري فبلاش تدليس ياقناة الدنيا والتجني علينا وشعبنا ويدرك ما يدور حوله كفاكم كذبا ودجلا

اردني و افثخر

شفنا الطائرات الروسيه في حرب الخليج و شفنا قدرتها على اعتراض الطائرات الاسرائيليه التي تسرح فوق سوريا الاسد
هذه الطائرات تصلح لشئ واحد و بفاعليه و هو قصف العزل

Jordanian

Are you kidding me

من الاخر

على أساس النظام السوري بحالة حرب مع أسرائيل والقصف السوري شغال عن جنب وطرف بأسرائيل ... وهذة الطيارة هي الي مأخرة نصر سوريا على أسرائيل وتحرير فلسطين ... من شان الله رجعوا الطيارة بلاش يخسر الحرب ونطلع أحنا السبب ... قال أسد قال

محمد عبيدات

بشار حب خلص ضب اغراضك

مراقب

النظام السوري وجوده اصلاء خدمه لحمايه اسرائيل ولو كان حقاء مقاوم لما بقى في الحكم يوم واحد

شخص محايد

معلش يا اخوان في موقع عمون بدي احكي الي في قلبي وياريت انكم تنشروه زي ما عهدنا فيكم الحياديه ، وشكرا مسبقا

الي عم بلاحظه كتير لمن تيجي اخبار الها علاقه في سوريا باي خبر بتلاقي تعليقات معينه بتتوالى فورا مثل زخ المطر بس بتكون ما الها اي علاقه في تفكيرنا كاردنيين يعني واضح طبعا انه اصحابها بكتبوها تحت اسماء مشكله اغليها حيلا كلام ، مش هون المهم ، المهم انه لمن تقرأها بتحس بسرعة انه الي كاتبها مو اردني على الاغلب يعني يمكن بنسبه 99% مش اقل يعني مين بالله هالاردني الي بفكر في دور حافظ الاسد في انه ما اعطى اوامره لسلاح الجو السوري في سنه السبعين انه يشارك في اجتياح الاردن الي صار وقتها وشو هالدور العظيم الي عمله حافظ الاسد الي هو كان اصلا محضر لانقلاب وقتها وخايف كان على طياراته تصيدها اسرائيل وحده ورا التانيه زي لمن فوق بيروت نزلت اسرائيل 80 طياره في يوم قبل اجتياح الثمانينات وضربت قواعد صواريخ السام في البقاع مسحتها كلها في نص نهار. ولا والي بضحك انه طيب ليه وقتها ما تسموا حافظ الاسد منشق وخاين وعميل صهيوني لانه رفض الاوامر زي ما بتحكوا عن هالطيار المسخمط الي هرب في طيارة خردة والله ستر انه وصل فيها اصلا وعرف يهبط.

بعدين اعطوني مين الاردني الي هامه اصلا انه يوجع راسه في انه يفكر في طياره هالخرده رجعت ولا لا عمرها لا رجعت وهو اصلا وجود هيك طياره على مدرج المطار العسكري وتخزينها وتفقدها اصلا عبء علينا شو بدنا فيه من اساسه ، وعلى فكرة انا متاكد انه صار عليها فاتورة هلا مبلغ وقدره اذا في عالم الطيران المتر المربع الي بتشغله الطائرة عند وقوفها بوصل مرات في الساعة اجرته ما يقارب من 30-50 دولار غير الخدمة الارضيه ورسومها وغير اجور دخول الاجواء ومدة الطيران فيها والهبوط والاقلاع وغيره وغيراته اي كل خطوة في الطيران بترتب عليها فلوس مو سهلة واتوقع انه السوريين مو شغل دفع في هذا الموضوع وبشكل عام طول عمرهم كانوا بتشاطروا زيادة عن اللزوم وطبعا عشان نقول الحق جماعتنا مو سهلين في هيك مواضيع كمان

المهم ، اما فيما يخص موضوع انه اسرائيل بدها تعرف اسرارها ، يا اخوان الميج 21 وخاصة الي عند سوريا ما ضل فيها اسرار من منتصف السبعينات ، وعلى فكرة هاذا النوع من الميج 21 الامركيان لموها من اوروبا الشرقيه بالمئات وعملوا منها طائرات بدون طيار عشان يرموا عليها صواريخ ارض جو للتجارب ، وكمان بحب اضيف عشان المعلومات تكتمل انه حتى الميج 29 الي عند سوريا موديلها مضى على الدهر وولى وسوريا طلبت من روسيا ميج 29 اس ام تي الي هي احدث طراز منها وفعلا متطورة جدا وبتتفوق على ال ف 16 بلوك 40 الي عنا في الاردن وعند اسرائيل كمان بس اقل شوي قدرات من الاف 16 بلوك 60 الي عند الامارات مثلا . والسبب الوحيد انه سوريا ما حصلت عليها هو شح التمويل لانه روسيا ما عادت زي زمن الاتحاد السوفييتي كل شي تموله وتصبر على المشتري وبعدين تسامحه ب 16 مليار زي ما عملت مع العراق ، سوريا بصعوبة بالغة جدا لقدرت تمول تشغيل الطائرات الي موجوده عندها في الخدمة وفي منها كتير توقف لانها ما كانت قادره تمول اصلاحهم وخدمتهم ، زي ما صار عنا مثلا في الميراج اف 1 لمن وقفهم سلاح الجو الملكي لصعوبة تمويل تشغيلهم والحفاظ على الديمومة الهم .
وختاما يا اخوان عالم الطيران واسع جدا والوهم فيه واسع جدا بس الحقائق بتفرض نفسها في النهاية واليوم في العلم الحديث صار انه مو بس الطيار او الطياره هو كل شي فيه اسناد ارضي وفيه منظومات لازم كلها تكون متكامله عند العمل او الحرب او الدفاع عن الاجواء وهذا اليوم اكيد انه بنقص سوريا كثير .

عموما اخر شي بدي اضيفه انه ياريت لو انه موقع عمون اذا قدر فنيا انه يحط بجانب كل صاحب تعليق علم دولته وهذا ممكن انه يحصل من خلال تحديد الآي بي للشخص الي بعلق وفي رايي الشخصي انه لو فرضا صار هالكلام رح نلاقي ببساطه بجانب كل تعليق من الاخوان الي بذكرونا كيف حافظ الاسد منع سلاح الجو تبعه انه يهاجم الاردن سنه السبعين وكيف لازم نحفظ فضله علينا رح نشوف صدقوني بجانب صاحب هيك تعليق علم سوريا ، الا طبعا ازا كان الاخ السوري الي بذكرنا بكون قاعد في السفارة السوريه في عمان ، والله يا اخوان انا عارف شو بقول والباقي عندكم ، وشكرا لموقع عمون على الحياديه دوما.