نادر زمانه

افشل دوله بكل معنى الكلمة في السياحة هي الاردن. المدهش انه لنجاح السياحة في اي دولة يتطلب ذلك تجهيزا حكوميا ووعيا شعبيا. ونحن في الاردن وبفضل الله ليس لدينا حكومه ناضجه فاهمه للسياحة وليس لنا شعب مثقف ولا حتى يمتلك الحد الادنى من مقومات السياحة. على الرغم ان معظم الشعب متعلم وخريج جامعات. لكن ماذا يعني خريج جامعات اذا كان الطلاب بالجامعات يتصرفون بهمجية ؟







اكتب ويكاد القلب ينفطر ألما حينما اشاهد من يسي لسمعة الوطن.

عاشقة الاردن

نادر رمانه .... مين انت وشو انت بالاردن لتقيم البلد .... لو بتعرف شو وضع السياحة عنا ما بتحكي هالحكي... وازا الاردن مش عاجبيتك بتقدر تحمل اغراضك وتطلع منها....عادي احنا سامحينلك

الى عاشقة الاردن

الزلمة بيحكي رأية بعدين الاردن اصلا خربانة فساد وسرقات وحرامية والله اعلم وين راح توصل الطريق

سائح

و لله الحمد كل يوم يمضي علينا في الاردن كانو الواحد بالسجن و مستنى تنتهي محكوميتو ذهبت للبحر الميت قبل يوم و يا ريتني ما رحت -

عاصم

والله يا عاشقة الاردن مش لحالك عاشقه للأردن . كلنا الاردن بالنسبه النا وطن و عشان هيك الواحد بتألم لما يشوف بلده و وطنه في ناس بتخرب فيه بسبب الطمع والجشع. كلام نادر رمانه صح, حكومتنا فشلت انها تستغل 10% من ثروات الاردن بشكل صحيح, كان ممكن اقتصاد الاردن يتحسن 300% بس من السياحه. شوفي لو البترا في دوله مهتمه كيف كانت حتكون. و مشكلتنا بتبدأ من التعليم الفاشل في المدارس والجامعات لأنه في تعليم بدون تربيه.

عاشقة الاردن

كلام نادر صح بس ما بطلعله لا اله ولا لغيره يحكي انه الاردن دوله فاشلة... ... وانتو ماخدين راحتكم بالحكي والغلط لانكم مو حاطين اسمكم ....بتقدروا بكل احترام تكتبوا اسمكم وبكل ثقة وتحكوا مشكلتكم وايش حابين بهالبلد وما حد رح يقصر معكم

ياوطن

اكيد المدير جاهز وبراتب 9000 دينار وبعد سنة

مراقب

الى عاشقة الاردن ، ان كلام نادر صح 100% وان عشقك الزائف للاردن هو الذي سيدمر الاردن ، الموضوع يريد عقلانيه وواقع ، نظام السياحه في الاردن من افشل ما رايت في العالم ، علما بان المعالم السياحيه في الاردن من افضل ما هو موجود في العالم ، ولكن لا يوجد سياسه حكوميه او خاصه تتبنى موضوع السياحه بشكل صحيح ، كلها فزعات ونهب وسرقات ، للاسف ، وما فيه حدا سائل ...

حوراني ابن الرمثا

الى عاشقة الاردن كلام نادر صحيح مائه بالمائه . بلد خربت ونهبت وسرقت وما زلنا نتغنى

ابن الشارع

موش فاهم ايش هالمشروع هو كل خمسه بعملو مجلس طيب وبعدين مين بدو يطبق نتائج هذه الدراسات العظيمة بين قوسين وبلا مؤتمره

نادر زمانه

انا حينما اتحدث عن الجوانب السلبية في وطني فهذا نتيجة لحرقه بداخلي وانا اشاهد كيف نصف الشعب يعيش خارج الاردن حتى يستطيع ان يوفر الحد الادنى من الحياة الكريمة التي عجزت الحكومات المتعاقبة من توفيرها للمواطن والنصف الاخر لو اتيح له الخروج لما انتظر ... والمؤلم ان هناك جوانب من الممكن ان تستغلها الدوله بما يعود بالفائده على الشعب ومنها الجانب السياحي !! فماذا فعلنا بالسياحة . هل تعلموا ان الخليجيين عوضا ان يأتوا الى الاردن حيث ان سوريا ولبنان ومصر اوضاعها غير مستقرة نجدهم يغادون الى دول اوروبا وشرق اسيا ومؤخرا تونس استغلت النقطة والغت الفيز او التاشيرات حتى تستقطب السواح العرب.

ماذا فعلنا نحن .. الاسعار لدينا ناااار تضاحي الاسعار في فرنسا والمانيا .. وهل السياحة عنا توازي السياحة الاوروبية فعلى اي اساس الاسعار تكون بهذا الشكل ... فالسائح لا يأتي لدوله مثل الا ردن والاسعار بها بهذا الشكل ...

ثم اين دور وزارة السياحه ... انا في تعليقي الاول للاسف تم حذف جزء منه وقد ذكرت بانه ذات مرة حاولت استئجار سيارة سياحية وحينما اصطحبني صاحب المكتب الى الدور الارضي لمعاينة السيارة كِدت اختنق من الروائح الكريه والمكاره الصحية حيث يتم استخدام الدرج المؤدي الى الدور الارضي وكأنه مكب للنفايات وحمام عام .. والله هذا حصل معي ...

فهل هذا المشهد يعتبر سياحي ؟ اين وزارة السياحة واين الخطط ؟