abualsayed

تحية واحتـرامـا وبعـد

همنا همك وهمك همنا وهمنا واحـد في هذا الارض الغالية وعليـة ،
ان اتقدم باقتراح حول عجز الموازنة
يوجد بالمملكة اكتر من 850 مكتب سياحة وسفر ما يقارب 160 مكتب متخصصون بالسياحة الخارجية للاردن اي بمعنى اخر يتم صرف العملات خارج البلاد .
وباحصائية بسيطة معظم هذة المكاتب تحديدأ ملاك لمكاتبهم وليس مستاجرين وهم الوحيدون الذين لهم اكتـر من فرع بالاردن وكذلك الاعلانات بالصحف اليومية دون
استناء يما فيها الوسيط والممتاز والرسائل الهاتفية – وعلى المحطات الفضائية
والاذاعة والتلفزيون .
اي بمعني اخـر الارباح تتجاوز كل هذة المصاريف الباحظة وخلاف ذلك لما كان
هذا الاعلانات على مدار السنة .

وعلية اقتـرح بفرض ضريبة اضافية على متل هذة المكاتب التي تعمل بالسياحة الخارجية


واقبلوا الاحتـرام

نشمي

حسنوا الخدمات بعدين زيدوا الضريبة ..

تعليقا على اردني ابو فنجان قهوة باربع دنانير

في ناس لو يصحلهم يلاقو طيران عالواقف ارخص و على فكرة انا امبارح اشتريت صحن حمص و فلافل طلعو ب خمس ليرات مش فاهم انتا شو وجهة نظرك بالمثال العقيم اللي حكيتو

كمال

كل الاحترام الى الحكومات السابقة والاحقة الكل بدو ينهش بالمواطن البسيط لفكرة مش ضريبة مطار وزيادة هون وهون الفكرة هل تتناسب الزيادة مع دخل المواطن الاردني بس ببساطة والمواطن مش الي عايش بعبدون فقط هو مواطن لا بل بكل الاردن ونحترم عقول بعض ياحكومة يعني المواطن الاردني بالعالم يعتبر مخطط ومستشار دولي العالم يلجاء لة ولكن بالاردن هو عبارة عن ماكينة للحكومة تدفع ضرايب استفيدوا من الانسان الاردني ولا تخلوة يفقد الانتماء انتم الخاسر الاول

اشرف

تذكرة اليوم للكويت ذهاب و عودة و شوفوا حجم الضرائب و الرسوم و في حالة التعديل في دفع رسوم كمان :
travellers flights Taxes, Fees and Surcharges
1 adult(s) x (140.00 + 155.69) = 295.69 JOD
sub total 295.69 JOD
Booking fee - non refundable +10.00 JOD
total for all travellers 305.69 JOD

كفرنج

يا ريت نعرف مين صاحب المطار?? المطار مبيوع من زمان. المصيبة محْاصرين من كل الجهات وما فية منفذ حتى نخلص من جمايل حكوماتنا الرشيدة

عصام

مش عارفين كيف ياخذو مصاري المواطنين والله عيب على الاردن ضرائب يمين ويسار وفي كل مكان احنا اكثر بلد بالعالم عنا ضرائب

كابولي

انا مستعد ادفع 100% ضربية يعني كل راتبي بس هل الحكومة الفخمة مستعدة تامن تعليم زي المدارس اخاصة و طب زي المستشفيات الخاصة و شوارع مع مواصلات و شقق للسكن مع كهرباء و تدفئة بعني نرجع نصير شيوعية انا قابل والله قابل بس صارت الدولة عاملة زي الشريك المضارب بلتعن...... بس هي ماتساوي ايشي شو انا مستفيد من شرطي السير الي عنده دورة صاعقة الي بخالف على الخلوي بس ما بخالف على حزام الامان شو انا مستفيد من قوات الدرك الي ما بتوقف العنف الجامعي و غيرة و غيرة

الدكتور

اخترنا في أمركم
في أزمة مالية كبيرة ولازم يزيد دخل الدولة . وخاي ألطريقة ما بتأثر على الفقراء المساكين
اللي بسافر ما بفرق معه هالزيادة
خيار جيد جدا يا جماعه

عوض

اي شو هاي نظرية جديدة في تشجيع السياحة من الاصل تذاكر الطيران عل الاردن غالية وهيك البركة ترتفع نكاليف الت\اكر وفي ظل الازمة الاقنصادية وغلاء الاسعار هيك بيزيد الاقبال اي ويلا ليش هالسياحة مو هو البركة الجيبة عمرانة

مغترب

يعني الحكومه مصممة تطفش الواحد من هالبلد؟!! الملكية الأردنية وتركناها زمان بعد ما دخلت شركة تانية على الخط، بدل ما أدفع 700 دينار للملكية بدفع 150 دينار وبلا من وجبة الأكل. وهسا إجو على المطار!! المشكلة إنو الواحد مضطر يستعملو لأنه ما رح يفتح مطار ثاني بأسعار تنافسية.
و يا أبو فنجان القهوة بأربع ليرات يا ريت تحسب قيمة نسبة فنجان القهوة من متوسط الدخل بأميركا وتقارنو بالأردن عشان تعرف إنو أميركا أرخص.
لندن - أغلى مدينة بالعالم - أهمل وظيفة فيها بتطلع للواحد 2000 استرليني و حق فنجان القهوة ب اي كافيه ما بتتجاوز 3 استرليني، نفس السعر رح تلاقيه ب عمان اللي متوسط الدخل فيها متدني جداً.

مغترب عايف حاله

يعني هو ناقصنا
الواحد بكون متلهف عشان يروح و بعدين ما بظل الو نفس
و كمان اللي بقول انو المسافر ما بتفرق معو
حاب اقولو محنا لاقيين مصارينا بالشارع يااااا مليونير
و الله العظيم انو هذا الحكي حراااااااااااااااااااااام
حطو على اي اشي ما عدا الاردنيييين المغتربيييين
وهذا طلب من الحكومه يعني اول مره بنطلب طلب من الحكومه
ولا لازم نعتصم عشان تردو علينا
اتقوااااااااااا اللللله يا جماعه

Ghawar

ـالأيام القادمة ستكشف حجم الفساد والخلطات الأسمنتية المشبوهه في المطار

طالب يدرس في الخارج

والله اذا بطلبوا مني اي رسوم لانام في المطار وبعدين الانسان اصبح يضيق ضرعا في البلد اتقوا الله اصبحتم تحاربون المواطنين في رزقهم ولقمة عيشهم وفي مستقبلهم والله هذا الكلام لا يرضي انسان

فالح

هذه حكومة بدون اجندات ورؤى جلية؟؟؟؟؟

باشا بالغربه

يا زلمه أخبار ما بتجيب غير النكد! يعني أنا لما كنت بدرس فالجامعة الاردنيه كنت عارف إن البلد مش نافع للدراسه ولا للشغل.. رحت حملت حالي على بريطانيا ادرس

اصل الحكايه

في الحقيقه الملموسه نحن لانفقه بالتفنن بالجذب السياحي
فعندنا مقدرات سياحيه لو تجد من يفهم بهالاغنتنا ودرت على البلد
عمله تضاهي دخل البترول وسوى كانت السياحه
دينيه او اثريه او ترفيهيه
والسائح الاجني لما ينطس بعقله ويلطش ويزورنا
منلعن سنسفيله ومن خليه يتوب زياره الاردن ثانيه
بطبيعه الحال يعطينا سمعه سيئه للغايه وطبعا البركه
بالقوانين والضرائب والتعامل
وتبدا معاناته وورطته من مكاتب حجز التذاكر
الى المطار لضريبه الدخول ورسوم الفيزاء العاليه لحمال الشنط لسائق التكسي للبائع للفندق للمطعم حتى رجوعه وهو يشحد ويترطم بالعربي بعد مانكون علمناه كل لكلمات السب والشتم والكلمات النظيفه
ويعود للمطار ثانيه مع الركله الاخيره بضريبه المغادره
وهذاك وجهه الضيف وبحسبه بسيطه
بكون طير الف خمسمايه باوند او ٢٥٠٠ دولار لمده اسبوع
مع العلم ان الرحله من لندن لاسرائيل لمده اسبوع باكج هولدي
كامل بتكلفه ٣٠٠ باوند
وقيس وقارن كل ١٠٠ سائح لاسرائيل
بيجينا سائح واحد معمي قماره وقال ايش عايزين
يرفعو ضريبه المطار اي يضرب هيك قرار

مغترب كونديشن

يا سلام والله انكو رايقين.. يعني المواطن الأردني مات من الجوع وبحاول يجمعلو شي ألف ليرة ينقلع برا بس شكلو عمرها ما راح تزبط معو... يا حرام

نهم

هلا عمي بطلت تفرق

الرحاله الصغير

ردا على الحكومه قرارة مايلي
1- استخدام مطارات الدول المجاوره
2- مقاطعة الملكيه الاردنيه

أحمد الزعبي - أمريكا

أنا بقترح بعد كل هذه التعليقات نصير نرجع على البلد تهريب... ليش هي إيطاليا أحسن منا؟؟؟ وأحسن شي توخذ طيارة لأقرب بلد ومن هناك دبر حالك يمكن يمسكوك قوات الأمن الخاصة بمكافحة التهريب...

محمد

هفل الي عمره يوم ي 25 دينا ضريبه على الواحد قليله حتى على الطفل الي عمره يوم الي بيسافرو مش بس من الطبقة الغنيه في ناس مرضى مابقدرو عاى البر مش معقول المريض يسافر بالطياره وباقي العيله يبعتهم باالبر اوفر لا حول ولا قوة الا بالله

ari

بطلنا نيجي هالسنه شو هادا شي مش معقول اي الواحد يالله يالله معاه حق التذكره كمان رفع الضريبه والله حرام

محمد

25 دينار مبلغ مش قليل حتى اللي عمره يوم بياخدو عليه ضريبة
يعني مش كل الي بيسافرو بالطيران وضعهم منيح بنسافر طيران لأنو مافي غير هيك وسيلة مش بطر انا برأيي يخفضو الضريبه مش يزيدوها وبعدين حتى اللي بيسافرو يشمو الهوا مش كلهم من الطبقه الغنية حرام ها المواطن الأردني يشم نفسه شوي لازم تكتمو على نفسه

مجدي ابوهاني

This is Jordan. love it or leave it
I am staying

اسحب وضمن

اسحب وضمن


أولاً شراً يا عمون على نشر التعليقات

شو هالقررات ، إسحب وضمن إرفع هذا شوي إرفع هذاك أكثر نزل دعم عن هذا حط حث وزير عين هذاك وزير وزارتين ولا أقلك ثلاث، كلها إسحب وضمن. حرام عليك بهالبلد والله حرام

عداله ومساواه

نحن المغتربون لا نبخل على وطننا بشيء ونفدي الوطن بارواحنا ولكن كفانا مزاوده نحن على علم بان اموال هذه الضرائب لا تذهب لبناء الوطن وانما تذهب لجيوب الفاسدين والمفسدين الذين نهبوا ولا زالو ينهبوا اموال البلد معضم دخل المواطن يذهب للحكومه على شكل ضرائب فهل نرى اي نوع من التنميه في هذا البلد باتاكيد لا لان هذه الاموال تذهب للفاسدين فالاردن من اثر دول العالم فرضا للضرائب و تمتلك الدوله الكثير من الموارد او بالاحرى كانت تمتلك هذه الموارد ولكنها الان ملك للفاسدين فالوطن والمواطن اصبحوا في جيوب الفاسدين ولكن لا حياة لمن تنادي فالمديونيه بازدياد مستمر ومصادر الفساد والافساد تزداد يوما بعد يوم فاين نحن من الوطن الذي تم بيعه وللاشف لم نسمع عن محاسبة رئيس وزراء او اي مسؤل سابق فالجميع ابرياء وكان اللصوص هبطوا علينا بالبرشوت فكيف لنا ان نقبل بهذا الكم من الضرائب وهذا الكم من الفساد والافساد

فاقعة معي

اصبح الوضع لا يطاق. ولكن المواطن مش على بال الحكومة. نريد حكومة للشعب.

ربداوي

ها هو بداية الدمار والزلزال الشعبي
.................!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟

إشي بقلب المخ

انا مع رفع الضريبة بدون جدال والسبب هو: حتى يتسنى للمسافر أو القادم الفرجة على التحف النادرة والتكنولوجيا العالية والخدمات الجليلة الموجودة في المطارات بالبلد بتستاهل الدفع !!!! بكفي الحمامات يعني لما يصح لك فرصة تزور أحدها ..... ما بيجي على خاطرك تطلع منه... على فكره يالربع هل المطارات الاردنية المنوي رفع رسوع المغادرة منها هي نفس المطارات التي تم تصنيفها قبل كم شهر على أنها من اسواء المطارات في العالم ولا غيرها ؟؟؟؟

هذه هي اليموقراطية

هل ستكون حكومة الرفع حاضرة الذهن بإستثناء الحجاج والمعتمرين مثلا من هذه الزيادة ؟؟؟؟؟؟؟ انا لا أطالب بعدم الزيادة لأنها تحصيل حاصل ...

الدفع الرباعي

الى الذين يرغبون بمقاطعة الملكية الاردنية ويشجعون على عدم السفر معها أقول: ما علاقة الملكية بالقرار يعني لو سافرت من المطارات الاردنية على طنبر بدك تدفع ، مع الملكية أو مع ظراب الطبل بدك تدفع، لو دخلت حمامات المطار وقرفت حالك بدك تدفع، لو قلت لموظفي المطار وانت مارق السلام عليكم وما حدى رد عليك بدك تدفع، لو دفعت وزن زائد على اغراضك ..... برضه بدك تدفع... كله دفع .... صار الشعب الاردني (( ذو الدفع الرباعي))

ارفع ابوي ارفع

انا مع الحكومة في رفع جميع الضرائب و زيادة الاسعار ... ارفع يا طراونه و لا تهتم