محمد

المواطن بيروح للمطعم اللي اكله ازكى وأنظف واطيب بغض النظر عن من يديره، هاي منافسه شريفه بين المطاعم واللي بده يصمد يحسن المنتج وينزل الأسعار. بعدين معروف ان المطبخ السوري اطيب من المطبخ الأردني. خلي نسواننا نحن الأردنيين يتفرغوا للمطبخ زي السوريات وبلاش نروح لأي مطعم وإلا قسماً عظماً إلا نتزوج عليهم سوريات بيعملوا لنا المحمر والمشمر وإقتصاديات بنفس الوقت. نسواننا طول نهارهن عا الفيس بوك وعجن الحكي اللي لا بودي ولا بجيب. هذا تهديد مني انا مواطن اردني اعاني من طبخ البيت عندي.

مها

كان الاجدر على المطاعم الاردنية منافسة اقرانهم السوريين في النظافة والربح القليل والجودة

بدي اقص ايدي اذا انت اردني يا محمد

في كل جنسيه يوجد الزين ويوجد الشين والاردنيات هم ستات بيوت من الدرجه الاولى واهتمامها ببيتها من اولوياتها وليس كما يشاع بل ان الجنسيه التي تتحدث عندها اهتمامها بالطلعه والنزله وغيره اضعاف اهتمامها ببيتها جرب وسوف ترى بعينك يا محمد .

خميس

مشيرا إلى أن المواطن يفضل تناول الاكلات الشعبية من المطاعم المشغلة من قبل السوريين.
اجمل ما قال السيد الحمود في تعليقة
اذا هنالك سبب وراء تفضيل المواطنين للمطاعم التي يديرها السورين .....

مغترب

الرزق والأرزاق من عند الله يا ناس و خلي العالم تترزق و تعيش .

محمد

لا تقص ايدك ولا شي. انا اردني للجد رقم 20. لكن هذا مش موضوعنا. نعم للمنافسة نعم لبقاء الأفضل نعم لحث الشباب من الجنسين على العمل بالقطاع الخاص والإبداع به لا لثقافة العيب التي أرهقتنا وجعلتنا نعتصم هنا وهناك للمطالبة بوظيفة حكومية راتبها لا يكفي لعشاء عائلة بتلك المطاعم وغيرها. ومعلومه اضيفها لك من خبرتي المتواضعة بالحياة: إذا اردت تحفيز إمرأة على الإبداع هددها بالزواج وشوف الشغل بعدين كيف بصير. ولك كل المحبة

م.احمد

و الله اكل المطاعم السورية بخزي بس احنا بنحب الي بهزلنا ذنب و بطاطيلنا

Bdr

مشيرا إلى أن المواطن يفضل تناول الاكلات الشعبية من المطاعم المشغلة من قبل السوريين.

وسلامتكوا

زيدون

الى اللي بده يقص ايده حبيبي كلام محمد صحيح واحنا جماعه مش تاعيين شغل. انا بسافر اوروبا كثير وهناك ارقى مطاعم هي للسوريين واللبنانيين والأتراك تجدهم يعملون ويتحدثون معك بالعربية وما في حد بيقلهم انكم تهددون عملنا او تقطعون رزقنا، احنا شعب وظايف حكومه وشفنا كيف اخواننا بذيبان شو عملوا عشان يتعبوا مراسلين وسواقيين بالحكومة. إطرقوا ابواب العمل الحر وشوفوا كيف الحياة راح تتغير معكم. وكمان معه حق باللي حكاه عن نسواننا وطبعاً مش الكل لكن هاي حقيقه.

رائد نجم

والله خطير يا ابو حميد شكلك شارب حليب سباع يسلم البطن اللي حملك.

ذوق

المسألة اذواق..بالنسبة لي وكثير من الاردنيين نفضل الاكل الاردني الفلسطيني على السوري.لم اجد في سوريا اطيب من اكلنا الا مرة واحدة في حلب فقط.

أيمن

غريب جدا هذا المنطق. قال السوريون يهددون القطاع. المنافسة دائما تفضي لتحسين أي قطاع. بغض النظر عن أي جنسية, إذا اهتمت إدارة أي مطعم بالنظافة و الأسعار و ابتسامة الموظف فإنها ستنجح. لا تعلقوا اللوم على غيركم دون تصحيح أخطائكم

يعقوب

كلام محمد رقم 1 كلام سليم 100%.

عصام

السوريين شاطرين ليش الحكي وطبخهم زاكي

مواطن يحب عدل ومنطق ﻻ تعميم

غالبية اﻵراء المذكورة صحيحة لكن ﻻ يجوز تعميم، فما ذكره تعليق 3 واقع ولكنه نادر والغالبية العظمى كما ذكر محمد بتعليقاته وآخرين. أما تعليق رقم 10 لم يفهم لمن قيل، فأبو حميد غالبية شعبنا قد يقولها لكل منهما (محمد-أحمد)، كما أن تعليق رقم 7 قد يفهم بأوجه كثيرة سلبا و/أو إيجابا، فنرجو التوضيح أكثر كي نفهم ثم نتتاقش.

رائد نجم

شكراً لصاحب التعليق رقم 15. انا قصدت بالإشاده بمحمد صاحب التعليقين رقم 1 ورقم 6.

علي ملحم

..........فلم نرى الخير بعد قدومهم الى الاردن

شاميه

بدي احكي بصراحه: الأكل مش بالكميه ولا بالنوعيه، الأكل بطيب النفس للطاهي او الطاهية ويعتمد زكاوة الأكل كمان على فترة إعداده، فكلما إزدادت فترة الإعداد تزداد إحتمالية الإتقان يعني مش مشي حالك عا السريع. بعدين تقديم الأكل وتجهيز السفرة والصحون وتوابعها والله العظيم إلها دور كبير بفتح النفس والشهية للأكل، برضه حبايبي لا تنسوا الكلام الزين بالدعوة للسفره حبيبي إبن عمي تئبر ئلبي ئوم تغدى السفره جاهزه حياتي، مش يالله قوم هي الأكل عا الطاوله ولا تنسى تقيم الصحون لما تكمل وحطهم بالمجلى.